8
Daniel In Tuu Le Me A Hmu
1 Belshazzar in siangpahrang a òuan kum thumnak ah vei hnihnak langnak ka hmu.
2 Cuih langnak ka hmuhmi ahcun Elam peng lungdawl ih kulhmi Susa khuapi sungah um in ka thei aw. Ulai Tivapi kapah ka dingih,
3 cuih tivakap ahcun tuucang pakhat, ki saupi pahnih a neimi ka hmu; a ki pakhat cu a dang ki hnakin a sau ih a no deuh fawn.
4 Cuih tuucang in nitlak lam, saklam le thlanglam a khik rero kha ka zoh. Ramsa dang in an kham thei lo; a mi nehnak cun an luat thei fawn lo. A duhduh in ziang hmuahhmuah a tuah hluahhlo ih a hngal zet.
5 Cumi ih tican mangbang in ka ngaihtuah rero lai ah nitlak lam ihsin mecang pakhat a ra tlan ciamco ka hmu; a tlan a cak tuk ih a ke in leilung a dai man lo. A mit le a mit karlak ah a lang zetmi ki pakhat a nei.
6 Tiva kapah a ding ka hmuhmi tuucang lam ahcun a feh ih tuucang cu a tha neih patawp in a zon.
7 Tuucang a zon le a sual lai cu ka zoh. A thin a heng tuk ih tuucang cu nasa zet in a ki pahnih kiak ko in a khit. Tuucang cun khik ve theinak thazang zianghman a nei lo. Leilung ah a ril ih mecang cun a pal cih a si; a run theitu zohman an um lo.
8 Cuih mecang cu a puarthau deuhdeuh ih a cah bik laitak ah a ki cu a kiak. Cuih ki pakhat ai ah cun a lang zetmi ki pali an hung suak; a ki pali cun saklam, thlanglam, nisuah lam le nitlak lam an hoi fingfing.
9 Ki pali lakih pakhat sung ihsin ki fate pakhat a hung suak ih a huham cahnak cun thlanglam, nisuah lam le Ram Tiam lam a pan.
10 Van ralkap, arsi pawl do ding tlak in a cak ih a do ih a hrekkhat cu leilung ih a hlon hnuah a pal cih.Ref 8.10 Thup 12:4;
11 Van ralkap pawl hotu bawi hman a dodal; nitin tein a hnenih an pekmi thawinak cu a kham ih Biakinn a tiborhhlawh a si.
12 Cutawkah nitin thawinak pek ai ah minung pawl in sualnak an tuah; biaknak dik cu leilung ah hlonthlak a si. A tuahmi hmuahhmuah ah cuih ki cu a hlawhtling a si.
13 Cule vancungmi pakhat in a dang vancungmi hnenah, “Hi langnak sungih a langmi thil hi ziangtik tiang so a rei ding? Hibangtuk tuksumza sualnak hin ziangtik tiang so nitin thawinak pekmi cu a ai awh ding? Ziangtik tiang so van ralkap pawl le Biakinn cu pal cih an si hrih ding?” tiih a sut kha ka thei.
14 Cutikah cuih vancungmi cun, “Hi thil hi zanlam le zinglam thawnghnih le zathumc zanlam le zinglam thawnghnih le zathum timi hi ni thawngkhat le zakhat le sawmnga ti tla in leh a theih. sung a rei dingih cuih sungah zinglam le zanlam thawinak pekmi zianghman a um lo ding. Cuih hnuah Biakinn cu a hlan vekin a um theisal ding,” tiah a ti.
Langnak Cu Gabriel In A Fianter
15 Cuih langnak ih tican ka ruah rero lai ah rinlopi in mi pakhat ka hmaiah a ra ding.
16 Ulai Tivapi tlun ihsin aw pakhat in a rak auh ih, “Gabriel, a hmuhmi ih tican cu a hnenah simfiang aw,” a ti.Ref 8.16 Luk 1:19, 26;
17 Gabriel cu a ra ih ka kiangah a ra ding; ka òih tuk ih leilung ah ka bok.
Ka hnen ahcun, “Milaipa, hi thu hi theithiam aw. Na hmuhmi hi leilung cemnak thuthawn pehawknak a nei a si,” tiah a ti.
18 Cutiih a òong rero lai ah ka tlu ih zianghman ka thei lo. Sikhalsehla anih cun i tho ih i dinter ih,
19 “Pathian thinhennak in ziangbangtuk thil a suahter ding tihi ka lo hmuh a si. Na hmuhmi langnak hi caan netabik thawn pehtlaihnak a nei a si.
20 “Ki pahnih a neimi tuucang na hmuhmi kha Media le Persia uknak can ai a si.
21 Mecang kha Grik uknak can-ai a si ih, a mit karlak ih a lang zetmi ki kha an siangpahrang hmaisabik can-ai a si.
22 Ki pakhat a kiah hnu ih ki pali a hung suakmi kha an ram a òhen awk òheh hnu ih a hung suak dingmi uknak pali can-ai an si; hi uknak pali hi hmaisa uknak tluk cun an cak lo ding.
23 “Cuih uknak pawl an cem zik cuahco thlang ih an siatvat tuk ruangih hremnak an tuar tikcu a hung kim cuahco tikah mi lungruh, mi sualral le mi bumhmang siangpahrang pakhat a hung suak ding.
24 A cak vivo ding, asinain a cahnak cu amah ih thilti theinak ruangah a si lo ding. Siatsuahnak nasa zet in a suahter dingih a tuahmi hmuahhmuah ah a hlawhtling ding. Mi cak zetzet le Pathian ih minung pawl parah siatnak tampi a thlenter ding.
25 Mi depde a si ruangah bumnak in thil a ti thei vivo ding. A zum aw ngaingai dingih rinloparal ah mi tampi a tisiat ding. Siangpahrang lakih siangpahrang maksak bik hman a dodal ding; sikhalsehla amah cu milai cahnak tel lo tein siatsuahnak a tong ding.
26 Na hnenih simfiang zo a simi zinglam le zanlam thawinak pekmi thu ih langnak na hmuhmi cu a ra kim ngaingai ding. Sikhalsehla thuthup ah ret aw, ziangahtile a kimnak dingah tikcu a rei hrih ding a si,” tiah i ti.
27 Ka thin a har ih ni tam nawn sung ka dam lo. Cuih hnuah ka tho ih siangpahrang ih fialmi hna cu ka òuan theisal. Asinan ka hmuhmi cun ka mang i bangter ih ka theih thei mi a si lo.