6
Kiosa Khumnak Sungah Daniel
1 Darias in a ram pumpi uktu dingah ramòhen uktu bawi za le kul a ret.
2 Cuih bawi pawl zohtu le hotu ah bawi upa pathum a ret ih culak ah Daniel cu pakhat a si; ramòhen uktu bawi za le kul cu an kutthuai ah an um. Annih in siangpahrang hrangih thil thupi le a òulmi pawl an ngaihtuah a si.
3 Rei lo teah Daniel cu hotu a dang pahnih hnakin le ramòhen uktu bawi dang pawl hnakin a hnaòuan a òhat deuhnak kha a lang. Cutiin midang hnakih a lang deuh ruangah siangpahrang in a ram pumpi uktu dingah Daniel cu a ruat.
4 Cule hotu dang pahnih le ramòhen uktu bawi pawl cun Daniel in sualnak le palhnak a nei maw ti an hawl ciamco; asinain a sualnak an hmu lo, ziangahtile Daniel cu mifel rin tlak zet a si ih thilsual le zum tlak lo thil zianghman a tuah lo.
5 Cutikah anmah le anmah cu, “A biaknak thu ah dah tilo Daniel sual kan puh theinak ding zianghman kan hmu zik lo,” tiah an ti aw.
6 Curuangah siangpahrang tong dingah an feh ih a hnenah, “Darias siangpahrang bawipa, na nunkhua sau hram seh!
7 Na ram pumpi uktu bawi pawl, hotu pawl, ramòhen uktu bawi pawl, ramòhen uktu bawi bawmtu pawl le bawi dangdang kan zate in thinlung khatin thil pakhat kan lo dil. Thu pe awla na thupekmi vekih an thlun òhehnak dingah ngaihtuah aw. Ni sawmthum sungah zohman in siangpahrang bawipa nangmah hnen siar lo ziangvek khawzing le zovek milai hnen hmanah thlacammi le ngenmi nei hlah hai seh. Hi thupekmi a thlun lotu cu kiosa khumnak sungah hlon hai seh.
8 Siangpahrang bawipa nangmah in hi thu hi suah awla na hmin khen aw. Cule mi hmuahhmuah ih thlun òheh dingin ngaihtuah aw; zohman ih thleng thei lomi Media mi le Persia mi pawl ih daan suahmi ah cang seh,” tiah an ti.
9 An tivek in Darias cun thu a pe ih a thupekmi parah a hmin a khen.
10 Siangpahrang in a hmin a khen zo, tikha Daniel in a theih tikah a inn ah a tlung. A inn tlunta khaan ahcun Jerusalem lam hoi in sangkate an um. Cutawkah a tuah ringring òheu vekin a ong aw mi sangkate pakhat kiangah cun a khuk a bil ih nikhat ah vei thum Pathian hnenah thla a cam.
11 Daniel in Pathian hnenah thla a cam ringring thotho ti kha a huatu pawl in an hmuh tikah,
12 Daniel sualpuh dingah an zate in siangpahrang hnenah an feh. Annih in, “Maw Siangpahrang bawipa, atu ihsin ni sawmthum sung siangpahrang bawipa nangmah hnen siar lo zohman in ziangvek khawzing le ziangvek milai hnen hmanah thlacammi le ngenmi nei hlah hai seh, tiah thu na pek zo,” tiah an ti.
Siangpahrang bawipa in, “A si, zohman ih el thei lomi thupek a si. Zohman ih thleng thei lomi Media le Persia mi pawl ih daan suahmi a si,” tiah a ti.
13 Cutikah annih in siangpahrang hnenah, “Judah ram ihsin salkaihmi pakhat Daniel in siangpahrang bawipa nangmah a lo upat lo ih na thusuahmi khal a thlun lo. Nitinte nikhat ah vei thum thla a cam a si,” tiah an ti.
14 Cuih thu cu siangpahrang in a theih tikah a thin a nuam lo zet ih Daniel runsuak theinak dingah lamzin a phunphun a hawl. Sun nihlawh a hawl nain a hum theinak lamzin a hmu lo.
15 Daniel a phiartu pawl cu siangpahrang hnenah an ra ih, “Siangpahrang bawipa, Media le Persia daan a si vekin siangpahrang ih a pek cia mi thu cu thleng theih a si nawn lo, ti cu nangmah in na thei ko,” tiah an ti.
16 Siangpahrang in Daniel kai dingah thu a pek ih an kaih hnuah kiosa tampi khumnak sungah an thlak. Daniel hnen ahcun siangpahrang in, “Rin tlak zet ih na renmi na Pathian in lo run hram seh,” tiah a ti.
17 Zohman ih an run thei lonak dingah lungto tumpi pakhat thawn kiosa khumnak cu an khar ih siangpahrang hmin khennak tacik le a bawi upa pawl ih tacik in an khen.
18 Siangpahrang bawipa cu a inn ah a tlungkir ih cuih zan cu zanvar it lo, rawl khal ei lo le nomnak zianghman tuah lo in a um.
19 Zingthlapit ah a tho ih kiosa khur ahcun zamrang tein a va feh.
20 A va thlen tikah thinlung har zet in, “Maw Daniel, a nungmi Pathian riantu! Rin tlak zet ih na renmi na Pathian cun kiosa kaa sung ihsin a lo hum thei maw?” tiah a auh.
21 Cule Daniel cun, “Maw Siangpahrang bawipa, na nunkhua sau hram seh!
22 Pathian in kiosa pawl ih kaa huptu dingah a vancungmi a run thlah ih pakhat hman in, in siatsuah lo. Sualnak zianghman ka nei lo ih siangpahrang bawipa na parah mawhnak zianghman ka neih lo ruangah a si,” tiah a ti.
23 Cutikah siangpahrang cu a lung a awi tuk ih Daniel cu kiosa khur sung ihsin suah dingah thu a pek. An suah ih tuahmawhnak zianghman a ton lo kha an hmu; Pathian a rinsan ruangah a him a si.
24 Cule siangpahrang in Daniel sual a puhtu pawl cu an nupi le an faate pawl thawn kai tahrat in kiosa khumnak sungih thla dingah thu a pek. A thupekmi vekin an kai ih kiosa khumnak sungih an thlak tikah leilung hman an thlen hlanah kiosa cun an rak zon ih an ruh pawl tiangin an òamkiak òheh a si.
25 Cutikah siangpahrang Darias cun mi phunkip, hnamkip le òongkip a òongtu leitlunmi hmuahhmuah hnenah ca a ngan:
“Nan parah daihnak um hram seh!
26 Ka ramsung mi hmuahhmuah in Daniel ih Pathian cu upat ding le òih dingah thu ka pek zo.
“Amah cu a nungmi Pathian,
Kumkhua in a hmunmi Pathian a si.
A uknak cu siatsuah a si dah lo
dingih a huham cu cem ni
a nei dah lo ding.
27 “Mi runtu le mi humtu a si.
Lei le van khuazakip ah,
Mangbangza le khawruahharza a tuah.
Kiosa kaa sung ihsin
Daniel a hum a si,” a ti.
28 Daniel cu Darias uk sung le Persia mi siangpahrang Sairas uk sungah neinung zet in a nung a si.