DANIEL
Thuhmaihruai
Daniel cabu cu Judah mi pawl zum lotu siangpahrang kut tangah harsatnak le hremnak an tuar lai ih nganmi a si. Cangantu hin thuanthu le langnak tla hmangin a miphun pawl hnenah anmah hremtu pawl kha Pathian in a neh dingih, Pathian minung pawl cu luatnak an ngahsal ding timi ruahsannak thawn tha a pek.
Hi cabu hi òhenhnih ah òhen a theih: (1) Daniel le a saltaanpi pawl ih thuhla. Himi pawl hin Pathian an zum, a thu an ngai ruangah ral an neh. Himi thuhla pawl cu Babilon le Persia uk caan sungah a si. (2) Daniel ih langnak a sangsang in a hmuhmi tla cu hminsinnak lawnglawng in a si ih Babilon siangpahrang ihsin thokin uknak tampi an òhansonak le an tlaksiatnak thu kha a si. Pathian miphun pawl in an neh dingih, Pathian thei lomi hremtu uktu pa kha a siatral ding ti thu a sim cia.
1
Daniel Le A Rualpi Pawl Ih Thu
Nebuchadnezzar Inn Ih Um Tlangval Pawl
1 Jehoiakim ih Judah siangpahrang a òuan kum thumnak ah Babilon siangpahrang Nebuchadnezzar in Jerusalem khuapi cu a do ih a kulh òheh.Ref 1.1 2 Siang 24:1; 2 San 36:5-7;
2 Bawipa in siangpahrang Jehoiakim cu a kaihter ih Biakinn thilri le hlawnthil hrekkhat pawl a lakter. A kaihmi pawl cu Babilon ah a fehpi ih Biakinn thilri a lakmi pawl cu a khawzing pawl ih biakinn thilri retnak khaan ah a ret.
3 Siangpahrang Nebuchadnezzar in a kuthnuai ih bawi tum bik pakhat Ashpenaz kha ralkaihmi le thawngthlakmi Israel mi pawl sungin siangpahrang hrin le bawi phun, mino deuh pawl hril dingah thu a pek.
4 Mi piang zet, mifim, ziangkim ah zirnak a nei cia mi, fimvarmi le kutke himmi an si pei ih siangpahrang inn ah hnaòuan theitu an si pei, tiah a ti. Babilon òong an siar thiam le an ngan thiamnak dingah Ashpenaz cu anmah zirhtu a si pei.Ref 1.2-4 2 Siang 20:17, 18; 24:10-16; 2 San 36:10; Isa 39:7, 8;
5 Nitinte an ei an inmi cu siangpahrang inn ih ei le inmi rawl le zu a si ve pei. Cutiih kum thum zirnak an neih hnuah siangpahrang hmaiah an suak pei, tiah thu a pek.
6 Cutiih hrilmi lakah cun Daniel, Hananiah, Mishael le Azariah an tel ve. An pali in Judah hrin ihsin an si.
7 An bawi upa bik cun annih cu hmin thar a sak hai ih an hmin thar cu Belteshazzar, Shadrak, Meshak le Abednego ti an si.
8 Daniel cun siangpahrang inn ih rawl ei tahrat in le zu in tahrat in raithiang lomi si lo dingah a thinlung a òhencat aw; curuangah Ashpenaz cu amah bawm dingin zangfah a dil.
9 Ashpenaz khal cu Pathian in Daniel parah zangfahnak thinlung a neihter;
10 sikhalsehla Ashpenaz in siangpahrang a òih ruangah Daniel hnen ahcun, “Nan ei ding le nan in dingmi hi siangpahrang amah rori ih relcat cia mi a si. Curuangah tlangval dang vekin nan cakvak lo a si pang ahcun keimah lehlam in that men ding,” a ti.
11 Cutikah Daniel cu amah le a rualpi pathum zohtu dingah Ashpenaz in mikiltu ah a retmi pa hnenah a feh ih,
12 “Ni hra sungin hniksak aw. Ei dingah hanghnah hangrah le in dingah tidai in pe hnik aw.
13 Cule tlangval dang siangpahrang inn ih ti le rawl a ei a intu pawl thawn in òhim hnik awla cuih par ihsin thu cu òhencatsal leh aw,” tiah a ti.
14 Anmah kiltupa cu ni hra sung hniksak dingah a lung a kim.
15 Nihra cu a hung kim ih an zoh tikah siangpahrang inn ih ti le rawl a eitu pawl hnakin harhdam sawn le cak sawn in an lang.
16 Curuangah cuih ni thokin anmah kiltupa cun siangpahrang ih pekmi rawl si lo in hanghnah hangrah cu a eiter lanta.
17 Pathian in hi tlangval pali cu fimnak, calai lam thiamnak le theihthiamnak a pek. Cuih tlunah Pathian in Daniel cu mang lehtheinak le langnak pawl simfiang theinak a pek.
18 Siangpahrang in tikcu a khiahmi kum thum a kim tikah Ashpenaz in tlangval pawl cu Nebuchadnezzar hnenah a fehpi.
19 Siangpahrang thawn thu an ruah aw ih midang hmuahhmuah hnakin Daniel, Hananiah, Mishael le Azariah pawl in a lung an tong bik. Curuangah siangpahrang inn ih hnaòuantu ah an cang.
20 Siangpahrang in ziangvek thu a suh ih, ziangvek thuharsa a suahter hmanah hi tlangval pali cun a ram ukmi sungih kutòial zohthiam le mitkher thiam pawl hnakin a lethra in an thei thei deuh.
21 Persia siangpahrang Sairas in Babilon a neh tiang Daniel cu siangpahrang hnaòuantu ah a um lanta.