9
Khristian Khat Le Khat Bomnak
1 Judea peng Pathian zumtu pawl hnenih bomnak nan kuatmi thu ahhin nan hnenah cakuat òul in ka hmu lem lo.
2 Mi bom nan duh ti cu ka thei zo ih Masidonia ih a ummi pawl hnen tla ahcun nanmah ih thu ah ka porh aw rero zo. “Akhaia pengih a ummi kan unau pawl cu mi bom dingah kan dung kum ihsin an ralring cia zo,” ka ti hai. Nanmah ih lungthawhnak ruangah mi tampi an thin a tho ve.
3 Hi kan unau pawl ka rak kuatnak san bik cu nanmah thu ih kan porh awk reronak hi sullam nei lo porhawknak òongkam men ah cang pang hlah seh ti ka duh ruangah a si. Asinan ka sim zo vekin bomnak pek dingih nan tummi thawn timtuah cia in rak um uh.
4 Cuti si lo in ziangtin maw, Masidonia mi pawl keimah thawn an ra ih ralrinnak zianghman nan nei lo ti kha an hmuh pang a si ahcun nanmah ih ningzah ding cu um hrihseh; kanmah hrimhrim hitluk kan lo rinsan hnu ahcun kan ning a zak nasa ding a si.
5 Curuangah keimah ka thlen hlanah hi kan unau pawl hi ka rak thlah; cule pek ding tiih nan ti cia mi laksawng pawl timtuah cia ih um dingin tawlrel a òul tiah ka ruahmi an si. Cuticun ka ra thlen tikah tawlrel cia in a um dingih nan pek a òul ruangah nan pe si lo in pek nan duh ruangah nan pe a si, ti kha a langter ding.
6 Thlaici malte a vorhtu in rawl malte a khawm ding; tampi a vorhtu in tampi a khawm ve ding, tihi ciing ringring uh.
7 Zozo khal a thinlung a òhencat ngah hnuah pe seh; sirawknak thawn pe hlah seh; ka òuanvo a si, ti khalin pe hlah seh. Lungawi aipuangte ih a petu lawng Pathian in a duh a si.
8 Cule Pathian cu nan òulmi hnakih hlei in a lo pe theitu a si ih nan hrangih a òulmi poh khopkhamin nan nei dingih thil òha nan tuahmi parah a hlei in nan ngah ding.
9 Ca Thianghlim in:
“Siang zet in mifarah pawl cu a pek hai;
A zangfahnak cu
kumkhua in a hmun,” a ti.Ref 9:9 Saam 112:9;
10 Cule vorh ding thlaici a petu le ei ding rawl a petu Pathian in nan òulmi thlaici hmuahhmuah a lo pe ding; cun siang zet ih nan pek ruangah nan thlaikho khal a òhanter dingih nan paòha ding.Ref 9.10 Isa 55:10;
11 Pathian in siang zet ih petu si ringring dingah khopkhamin a lo nungter ding; cutiin nan laksawng pekmi cu kan hnen ihsin an ngah tikah mi tampi in Pathian an thangòhat ding.
12 Ziangahtile hi nan hnaòuanmi in Pathian zumtu pawl ih tlaksamnak tampi a bom lawng si lo in minung thinlung ihsin Pathian cawimawinak tampi a suahter a si.
13 Hi nan hnaòuanmi in a lang fiangter ruangah Khrih ih Thuthang nan pom ih hngetkhoh zet ih nan din theinak ruangah siseh, nan bommi le midang pawl thawn nan neihmi siang zet ih nan hlawmawknak ruangah siseh, mi tampi in Pathian hnenah lungawi thu an sim ding.
14 Pathian ih zangfahnak a tam cuang hleice nan parih a thlen ruangah lo duh zet phahin nan hrangah thla an cam ding.
15 Sim cawk lo in a sunglawimi Pathian laksawng hrangah lungawi thu a hnenah sim uh si.