6
1 Pathian thawn hnaòuan tlangmi kan si ruangah Amah ih zangfahnak nan comi cu a lakah canter hram lo dingin kan lo dil.
2 Pathian ih simmi hi ngai hnik uh:
“Nan hnenih ka mithmai òha
ka langter caan ahcun
nan aw ka thei;
Nanmah ka lo rundamnak ni a thlen tikah
ka lo bawm hai,” a ti.Ref 6:2 Isa 49:8;
Ngai hnik uh! Pathian mithmai òha ngah caan cu tuih caan hi a si; rundamnak co ni cu tuih ni hi a si.
3 Kan hnaòuanmi hi zohman ih soisel ding kan duh lo ruangah zo ih lamzin hmanah rilhbahnak kan ret lo.
4 Thinlung sau zet in hnaihnawhnak, zinfetnak le harsatnak a phunphun kan tuar ih cuticun Pathian riantu kan sinak kan langter a si.
5 Vuaknak, thawngtlaknak le misenpi ih tuahsiatnak tla kan tong. Kan taksa ih tuar thei nawn lo tiangin hna kan òuan; it lo le rawl lo in kan um.Ref 6.5 Tirh 16:23;
6 Kan ziaza thiannak in siseh, thudik theih theinak in siseh, thinsaunak le zangfah kan neihnak in siseh, thlarau thianhlimnak le duhdawtnak taktak in siseh,
7 thutak kan phuanmi le Pathian huham a langmi in siseh, Pathian ih hnaòuantu kan sinak kan langter a si. Dingnak cu kan ral hriamhrei a si ih kanmah humawknak ah siseh, kan hmai nornak ah siseh, kan hmang;
8 upatnak kan tong ih mualphonak khal kan tuar; zomtaihmi kan si tawk a um ih thangòhatmi kan si tawk khal a um. Thuphanper in puh nain thutak kan sim.
9 Zohman ih theih lomi ah in ruat, sikhalsehla mi hmuahhmuah ih theihmi kan si fawn. Mithi vekah in ruat, asinain in hmuh vekin kan nung zet ko. Hremmi kan si nain in that lo.
10 Kan riah in siatter òheu nain kan lung a awi ringring. Kan farah zet nain mi tampi milian kan siter. Zianghman nei lo kan si nain ziang hmuahhmuah neitu kan si.
11 Korin khua ih rualòha le uh, nan hnenah lailan in kan òong; kan thinlung cu tluangtlam zet in kan ret.
12 Kan thinlung sangka kan lo kharsan lo; nanmah sawn sokhaw in kharsantu!
13 Ka sungsuak faale bangin ka lo sim. Nan parih thinlung tluang kan neih vekin nannih khalin nei ve uh. Nan thinlung cu kau zet in ong uh!
Khawvel Pawl Ih Lemnak Ralring Uh
14 A zum lotu pawl thawn kom aw hlah uh. A cang thei lomi a si. Ziangtinso dingnak le siatnak cu an pawl awk thei ding? Ziangtinso tleunak le thimnak cu an um tlang thei ding?
15 Ziangtinso Khrih le khawvang cu an thinlung a bang awk thei ding? A zumtu le zum lotu ziangtal an pomtlang theimi a um maw?
16 Ziangtinso Pathian ih biakinn le khawvel pawl ih milem pawl cu an rem awk thei ding? Ziangahtile kannih cu a nungmi Pathian ih biakinn kan si. Pathian amah rori in:
“Ka minung lakah ka umnak inn
ka sak dingih an hnenah ka um ding.
An Pathian ka si dingih annih cu
ka minung an si ding,” a ti.Ref 6:16 Pui 26:12; Ezk 37:27; 1 Kor 3:16, 6:19;
17 Cule Bawipa in:
“Annih pawl tlansan uhla,
an hnen ihsin òhen aw uh.
A thiang lomi cu a dai in dai hlah uh;
Cutin ka lo cohlang hai ding.Ref 6:17 Isa 52:11;
18 Kei cu nan Pa ka si dingih,
Nannih cu ka fanu le ka fapa tla
nan si ding, tiah
Cungnungbik Bawipa in a ti,” tiah a ti.Ref 6:18 2 Sam 7:14; 1 San 17:13; Isa 43:6; Jer 31:9;