3
Pathian Hnaòuantu Pawl
1 Ka u le ka nau tla, thungai in kan ti asile nannih hnen ahcun Thlarau mi pawl hnenih ka sim vek cun ka sim thei lo. Hi leilung ih tisa mi bangtuk le Khristian zumnak lamih nauhakte bangtukin nan hnenah ka sim a òul a si.
2 Rawl ngai nan ei thei hrih lo hrangah cawhnawi ka lo pe a si. Atu khalah rawl ngai nan ei thei hrih lo,Ref 3.2 Heb 5:12-13;
3 ziangahtile atu khalah tisa nun in nan nung lai. Pakhat le pakhat nan iksik aw ih nan tawh awk tikah hin leilung tisa ta nan si ih tisa daan in nan nung, ti kha a lang a si lo maw?
4 Nannih lakah pakhat in, “Kei cu Paul ih milai ka si,” a ti ih a dang pakhat in, “Kei cu Apollos ih milai ka si,” a ti ve tikah hi leilung ih milai nan sinak nan langter a si lo maw?Ref 3.4 1 Kor 1:12;
5 Thungai ti ahcun Apollos cu zoso a si? Paul cu zoso a si? Kannih cu zumtu nan sinak dingah Pathian riantu lawng kan si. Bawipa ih òuanvo in pekmi kha kan òuan fingfing a si.
6 Kei in a ci ka tuh ih Apollos in ti a toih, asinain a òhantertu cu Pathian a si.Ref 3.6 Tirh 18:4-11, 24-28;
7 Thlaici a tuhtu le tidai a toihtu cu an thupi lo. A thupi bik cu Pathian a si, ziangahtile thlaikho a òhantertu cu amah a si.
8 A tuhtu le tidai a toihtu cu an danawknak a um lo; an hnaòuanmi vekin Pathian in òuanman a pe hai ding.
9 Ziangahtile kannih cu Pathian hrangah hnaòuan tlang kan si ih nannih cu Pathian hnaòuannak loram nan si. Pathian ih inn tla nan si.
10 Pathian ih i pekmi ka covo laksawng hmang tahrat in inn sak thiam zet bangtukin innhram ka òoh ih midang in cuih tlunah an sak. Sikhalsehla ziangtinso kan sak ti kha zozo khal kan ralrin fingfing a òul a si.
11 Ziangahtile Pathian in Jesuh Khrih cu innhram thupi bik dingah a ret zo ih innhramdang òoh bet a theih lo.
12 Cuih innhram phunmi parih sak dingah mi hrekkhat in sui asilole ngun asilole lungmankhung an hmangih midang in zanthing maw, hrampi maw, asilole fangcang kung pawl maw an hmang.
13 Cun an hnaòuanmi fingfing kha ziangbangtuk an si, ti cu Khrih Ni ah a lang leh ding. Ziangahtile cuih Ni ah an hnaòuanmi cu meisa in a langter ding; ziangbangtuk hnaòuan so a si, ti kha meisa in a hniksak dingih a fiangter ding.
14 Innhram phun mi parih inn sakmi kha meisa in a siatsuah thei lo a si ahcun a saktu in òuanman a ngah ding.
15 Sikhalsehla meisa in a kang òheh a si ahcun a sung ding; asinain meisa sung ihsin a luatmi vekin a nunnak cu humsuak a si ding.
16 Nannih cu Pathian biakinn nan si ih a Thlarau nan sungih a um kha nan thei lo maw?Ref 3.16 1 Kor 6:19; 2 Kor 6:16;
17 Curuangah zokhal hih Pathian biakinn a siatsuahtu cu Pathian in a siatsuah ve ding. Ziangahtile Pathian biakinn cu a thianghlim ih a biakinn cu nanmah hi nan si.
18 Zokhal amah le amah bum aw hlah seh. Nanmah lakah pakhatkhat in ka fim tiah leilung daan in a ti awk a si ahcun mifim taktak si dingah mi-aa ah cang hmaisata seh.
19 Ziangahtile leilung in fimnak a timi cu Pathian mithmuh ahcun at hna a si. Ca Thianghlim in, “Mifim pawl cu Pathian in an fimnak lala in a awk awter,” a ti.Ref 3:19: Job 5:13;
20 Cuih tlunah Ca Thianghlim sungah, “Mifim pawl ih ruahnak cu man nei lo men a si tiah Pathian in a thei,” tiah a ngan.Ref 3:20: Saam 94:11;
21 Curuangah zohman in minung ih tuahmi parah uarawknak nei hlah seh. Thungai ih ti ahcun ziang hmuahhmuah hi nan ta an si òheh;
22 Paul siseh, Apollos siseh, Piter siseh, hi leilung siseh, nunnak le thihnak siseh, tuih san le hmailam san khal siseh, a zate in nan ta an si òheh!
23 Cule nannih cu Khrih ta nan si ih Khrih cu Pathian ta a si.