10
Milem Ralrin A Òul
1 Ka u le ka nau tla, Moses a thluntu kan pupa pawl parah ziang a thleng, ti kha ciing ringring uh, ti ka lo duh sak. Annih cu mero in a hum hai ih an zate in Tipi Sen an tansuak.Ref 10.1 Suah 13:21-22, 14:22-29;
2 Moses thluntu an si bangtukin mero sung le tipi sungah baptisma la in an um.
3 An zate in thlarau rawl phunkhat an ei ih,Ref 10:3 Suah 16:35;
4 an zate in thlarau ti phunkhat an in. An hnenih a tel ringringmi thlarau lungpi ihsin tidai an in ih cuih lungpi cu Khrih a si.Ref 10.4 Suah 17:6; Mipum 20:11;
5 Cutiin sihmansehla mi tam sawn cun Pathian ih lung an awiter lo ruangah an ruak pawl cu nelrawn ramòhing ah òhekdarh òhehmi ah an cang.Ref 10:5 Mipum 14:29-30;
6 Hi hmuahhmuah hi kan hrangih zohòhim dingah an si: Anmah bangtukin thil òha lo duhih kan um ve lonak dingah le,Ref 10.6 Mipum 11:4;
7 mihrek khat in milem an biak bangtukih bia ve lo dingah ralrinnak in petu an si. Ca Thianghlim in, “Cuih minung pawl cu zu le sa thawn an laam ih an nuam aw ciamco,” a ti.Ref 10:7 Suah 32:6;
8 Mi òhenkhat pawl in nupa sualnak an tuah bangin tuah ve ding kan si lo; cuti an tuah ruangah nikhat sungah minung thawngkul hluanthum an thih kha!Ref 10:8 Mipum 25:1-18;
9 Mi òhenkhat in Bawipa cu an hniksak bangtukin kannih in kan hniksak ve ding a si lo; cutiih an ti ruangah rul in a cuk that hai a si.Ref 10:9 Mipum 21:5-6;
10 Mi òhenkhat an phunzai ciamco bangtukin kannih kan phunzai ve ding a si lo; cutiih an phunzai ruangah Siatsuahtu Vancungmi in a siatsuah thluh hai a si.Ref 10.10 Mipum 16:41-49;
11 Hibangtuk in an parih thil a thlengmi hi midang ih zohòhim dingah kan ralrinnak dingih nganmi an si. Ziangahtile san netabik caan ah kan um zo.
12 Mi pakhatkhat in hngetzet in ka ding tiah a ruat aw asile a tluksawn lonak dingah ralring seh.
13 Hniksaknak nan tonmi pawl hi midang hnen khalah a thleng òheumi sualforhnak a si ko. Sikhalsehla Pathian cun a thukammi a kimter ih nan tuar thei lo ding tiangin hniksaknak a thlenter lo ding. Hniksaknak nan ton tikah nan tuar theinak dingah thazang a lo pe dingih cuticun nan luatnak dingah lamzin a lo sial sak ding.
14 Curuangah duhdawtmi rualpi pawl, milem biak cu hrial uh.
15 Thu ruatthiam nan si ruangah nan hnenah hitiin ka sim. Ka simmi hi nanmahte a thleidan thiam uh.
16 Bawipa ih Zanriah ih kan hman tlangmi lungawinak khuathai hrangah thla kan cam tikah Khrih ih thisen kan òawm aw a si lo maw? Cule sang kan phel tikah Khrih ih ruangpi kan òawm aw a si lo maw?Ref 10.16 Mat 26:26-28; Mar 14:22-24; Luk 22:19-20;
17 Sanghlom pakhat ruangah kan zate hin mi tampi kan si nain pumkhat kan si, ziangahtile sanghlom pakhat a òawm aw mi kan si.
18 Israel mi pawl thu khi ruat hnik uh: Thawinak ih an pekmi sa a eitu poh cu Pathian hnenah biakòheng parih a petu pawl thawn an òawm aw ve tinak a si lo maw?Ref 10.18 Pui 7:6;
19 Hiti ka ti tikah hin milem siseh, milem hnenih pekmi rawl siseh, tican an nei ve sokhaw tinak a si maw?
20 Si hrimhrim hlah! Ka sim duhmi cu: Khawvelmi biakòheng parih raithawinak an pekmi khi Pathian hnenah an pek a si lo, khawvang hnenih an pekmi a si, tihi a si. Cule khawvang thawn rualpi nan si ding cu ka duh lo.Ref 10.20 Daan 32:17;
21 Bawipa ih khuathai le khawvang ih khuathai cu intlang hlah uh. Bawipa ih cabuai le khawvang cabuai khal hmang tlang hlah uh.
22 Bawipa in, in thiik vang seh tiah kan tok hrim ding maw? Amah hnakin kan cak sawn tiah kan ruat aw maw?Ref 10.22 Daan 32:21;
23 Mi in, “Ziang hmuahhmuah kan tuah thei ko,” an ti. A si, an tuah thei ko; asinain ziang hmuahhmuah hi an òha òheh lo. “Ziang hmuahhmuah kan tuah thei ko,” sikhalsehla ziang hmuahhmuah hi bawmtu an si òheh lo.Ref 10.23 1 Kor 6:12;
24 Zohman in mah ih òhathnemnak lawng ruah ding a si lo; midang òhathnemnak ruah ding a si sawn.
25 Sazuarnak ih an zuarmi cu ziangkhal ei ding a si ko; ka lung a nuam lo, tiah a thuhla va sut duh hlah.
26 Ziangahtile Ca Thianghlim in, “Leilung le a sungih um hmuahhmuah hi Bawipa ih ta an si,” tiah a ti.Ref 10.26 Saam 24:1;
27 Pathian zum lomi in rawl ei an lo sawm ih na feh tikah na hmaiih retmi rawl cu ei ko aw; siaòha thleidannak thinlung ruangah thu va sut hlah.
28 Sikhalsehla mi pakhatkhat in, “Hi rawl hi khawsia hnenih pekmi sokhaw,” a lo ti le a lo titu zawnruat in le siaòha thleidannak thinlung ruangah ei lo in um sawn aw.
29 Sia òha thleidannak ka ti tikah nangmah ih thinlung a si lo; midang thinlung ka ti duhnak a si.
Mi hrekkhat in, “Cutiin asile ziangahso midang ih thinlung ruahnak in ka luatnak cu a hnaihnok rero ding?
30 Pathian hnenah lungawinak pe tahrat in rawl ka ei sikhawh, lungawinak pek hnu ih rawl ka eimi ruangah ziangahso mi in, in relsiat duh rero?” an ti.
31 Curuangah nan ei ah siseh, nan in ah siseh, ziangthil nan tuahmi kipah Pathian sunlawinak hrangah tuah uh.
32 Fel tein nung uhla Judah mi hnenah siseh, Zentail mi hnenah siseh, Pathian kawhhran hnen khalah siseh, buainak suahter hlah uh.
33 Ka tuah vekin tuah ciar uh. Keimah ih hrangah òhathnemnak ruat lo in mizapi òhathnemnak kha ka ruat ih rundamnak an ngah theinak dingah mi hmuahhmuah lungawinak tuah kha ka zuam a si.