3
1 Maw Israel mi pawl, Izipt ram ihsin nan miphun pumpi in Bawipa in a lo hruaisuak zo ih nanmah ih thuhla ah a simmi hi ngai hnik uh:
2 “Leilungtlun miphun hmuahhmuah lakah nanmah lawng hi ka theihmi le ka kilkhawi mi nan si. Cucing in nan sual; curuangah ka lo hrem ding,” a ti.
Profet Ih Òuanvo
3 Lungkim tlang lo in mi pahnih hmunkhat ah khual an tlawng tlang thei maw?
4 Kiosa cu dehmi sa nei lo in tupi sungah a huuk maw?
Kiosa no cu dehmi sa nei lo in a kua sungah a hngirhngir maw?
5 Vate cu thang tarh um lo in awh a theih maw?
Thang cu a pelhtertu um lo in a pelh thei maw?
6 Raldonak tawtawrawt khua sungih an tum tikah khuasungmi thinphang lo in an um maw?
Bawipa ih thlenter lo in khuasung ah harsatnak a thleng dah maw?
7 Cungnungbik Bawipa in a riantu profet pawl hnenah a tumtahmi phuangta lo in hna a òuan dah lo.
8 Kiosa a hrum tikah zoso òih lo in a um thei? Cungnungbik Bawipa a òong tikah tlang-aupi lo in zoso a um thei ding?
Samaria Vanduainak Ding
9 Izipt le Ashdod siangpahrang inn sungih um pawl hnenah, “Samaria kimvel ih tlang ah tongkhawm aw uhla cutawkih thil sualral an tuahmi le a sungih hnahnawhnak nasa zet tla hi zoh hnik uh,” tiin than uh.
10 Bawipa in, “Himi pawl in an siangpahrang inn sung cu sualralnak le thisen luannak thawn an lakmi thilri in an khahter. A dikmi ziang tiih tuah ding ti khal an thei nawn lo.
11 Curuangah an ram ral in an kulh ding. An òankhuarnak hmun pawl an siatsuah dingih an siangpahrang inn cu an ram ding,” tiah a ti.
12 Bawipa in, “Tuukhaltu in kiosa ih dehmi tuu a hawl tikah a ke pahnih le a hna lawng a runsuak vekin Samaria khua ih um Israel mi pawl khal an todan kil le an ihkhun ke thawn lawng an luat thei ding.
13 Òha tein ngai uhla Jakob ih tesinfa pawl cu ralrinnak thu sim uh,” tiah Cungnungbik Ziangkimtithei Bawipa in a ti.
14 “An sualnak ruangih Israel ka hrem ni ah Bethel ih biakòheng pawl khal ka siatsuah òheh ding. Biakòheng ih ki pawl khal ka khiak dingih leilung ah an tla òheh ding.Ref 3.14 2 Siang 23:15;
15 Òhal inn siseh, thlatang inn siseh, ka balsiat òheh ding. Saiho ih ceimawimi inn pawl le inn tumpi dang pawl khal ka siatsuah òheh ding,” a ti.