AMOS
Thuhmaihruai
Amos cu Baibal Ca sungah a thusim sau nawn ih ngan hmaisabikmi profet a si. Judah peng ihsin rami asinain Israel saklam milai pawl hnenah thu a va sim. Cumi cu BC 750 hrawng ah a si. Himi tikcu hi an òhanso laifang, biaknak lam khalih an òhat laifangte le hitiih zohnak ahcun himnak an neih laifangte a si. Asinan a cuih an òhansonak cu lennak lam lawng a si. An nunkhuasak a òha ih an len hi farah nauta neekrawk ih lian an si, tiah Amos in a ti. An biaknak thlun daan khal thinlung taktak a tel lo, an himnak khal himnak ngaingai a si lo, tiah a sim. Pathian in a lo hrem hai ding a si, ti kha duh sak zet le ral òha zet in Amos cun a sim. Thudik le felnak kha tiva bangtukih luang dingah a duh ih, “Bawipa in hi miphun sungin a nungsun pawl a zangfah lai khal a si thei a si,” tiah 5:15 sungah a sim.
1
1 Hi thu cu Tekoa khuami tuukhal Amos ih simmi a si. Linghnin hlan kum hnih, Judah siangpahrang ah Uzziah a si ih Israel siangpahrang ah Joash ih fapa Jeroboam a si lai ah Pathian in Israel thuhla Amos hnenih a langtermi a si.Ref 1.1 2 Siang 15:1-7; 2 San 26:1-23; 2 Siang 14:23-29;
2 Amos in,
“ Bawipa cu Zion ihsin
a hrum durdo;
A aw cu Jerusalem ihsin
khuari bangin a thang.
Tuu an tlannak hrampi a ro òheh,
Karmel Tlang parih hrampi an car zo,” a ti.Ref 1.2 Joe 3:16;
3 Bawipa in, “Damaskas khuami pawl atu le tu an sual ruangah ka hrem ding. Gilead mi pawl zangfahnak nei lo in thir ha bunmi fangrialnak thingtum thawn an rialsiat hai.
4 Curuangah Syria siangpahrang Hazael inn parah meisa ka thlak dingih siangpahrang Benhadad ih ral òannak pawl a kang òheh ding.
5 Damaskas kotka pawl ka khiak òheh dingih Betheden uktu le Aven phairawn ih um pawl ka dawihlo hai ding. Syria rammi pawl Kir ram ah sal ih hruai òheh an si ding,” tiah a ti.Ref 1.5 Isa 17:1-3; Jer 49:23-27; Zek 9:1;
Filistin
6 Bawipa in, “Gaza mi pawl cu atu le tu an sual ruangah ka hrem tengteng ding. An miphun pumpi in Edom ram ah sal ah an zuar òheh.
7 Curuangah Gaza ih khuakulhnak phardawl parah meisa ka run thlak dingih an inn òha pawl hmuah thawn a kang òheh ding.
8 Ashkelon khua uktu pawl cu ka hlon ding. Ekron khua cu ka hrem dingih a tanglai mi Filistin pawl cu an thi òheh ding,” tiah a ti.Ref 1.6-8 Isa 14:29-31; Jer 47:1-7; Ezk 25:15-17; Joe 3;4-8; Zef 2:4-7; Zek 9:5-7;
Òaiar
9 Bawipa in, “Òaiar khua mi pawl cu atu le tu an sual ruangah ka hrem tengteng ding. An miphun pumpi in Edom ram ah sal ah an hruai òheh. Pawlkomnak thukam an tuahmi cu an thlun lo.
10 Curuangah Òaiar khua ih khua kulhnak phardawl pawl parah meisa ka run thlak dingih an inn òha pawl hmuah thawn a kang òheh ding,” tiah a ti.Ref 1.9-10 Isa 23:1-18; Ezk 26:1-28:19; Joe 3:4-8; Zek 9:1-4; Mat 11:21, 22; Luk 10:13, 14;
Edom
11 Bawipa in, “Edom mi pawl cu atu le tu an sual ruangah ka hrem tengteng ding. An unau Israel mi pawl zangfahnak nei lo in nam thawn an dawi. An thinhennak cu tawp ti a nei lo ih a reh thei dah lo.
12 Curuangah Teman khua parah meisa ka run thlak dingih Bozrah inn òha pawl a kang òheh ding,” tiah a ti.Ref 1.11-12 Isa 34:5-17; 63:1-6; Jer 49:7-22; Ezk 25:12-14; 35:1-15; Oba 1-14; Mal 1:2-5;
Ammon
13 Bawipa in, “Ammon mi pawl cu atu le tu an sual ruangah ka hrem tengteng ding. Mi ram an nor ih ral an do tikah Gilead ah favun nunau pawl an raithlek òheh.
14 Curuangah Rabbah khua ih khuakulhnak phardawl parah meisa ka run thlak dingih an inn òha pawl a kang òheh ding. Cule raldo awk ni ahcun aunak a tam dingih an doawknak cu thlisia bangin a hrang ding.
15 An siangpahrang le a kuthnuai bawi pawl sal ah an kai ding,” tiah a ti.Ref 1.13-15 Jer 49:1-6; Ezk 21:28-32; 25:1-7; Zef 2:8-11;