14
Ikoniam Khua An Thleng
1 Cubangtuk thotho in Ikoniam khua khalah Paul le Barnabas cu sinakok ah an va feh ih nasa zet in thu an sim. Judah mi le Zentail mi tampi zumtu ah an cang.
2 Asinan a zum duh lotu Judah mi pawl in Zentail mi pawl kha an tokhrok ih zumtu pawl kha an dodalter.
3 Tirhthlah pahnih cu cutawkah reipi an um ih ralòha zet in Bawipa ih thu an sim rero. Bawipa ih zangfahnak thu an simmi a dik a si, ti langternak ah Bawipa in hmuhsaknak mak le khawruahhar thil tuah theinak huham a pek hai.
4 Khuasung mi pawl cu an òhen aw òheh. Mihrek in Judah mi an òan ih mihrek in tirhthlah pawl an òan.
5 Cule Zentail mi òhenkhat le Judah mi òhenkhat in an hotu pawl thawn tirhthlah pawl tuahsiat ding le lungto in deng dingah thu an relcat.
6 Cumi cu tirhthlah pawl in an theih tikah Likaonia ram sungih Listra khua, Derbe khua le a kiangkap ram pawl ah an tlan.
7 Cutawkah Thuthangòha cu an sim.
Listra Le Derbe Khua Ah
8 Listra khua ah mizeng pakhat, suahkeh ke awl ih veikhat hman a feh thei dah lo pa a um.
9 Paul thusimnak ahcun a to ih a thusim cu a ngai. Paul in a thusimmi kha cupa in a zum ih damnak a ngah thei ti a hmuh tikah hmaiton tein a zoh ih,
10 ring zet in, “Tho awla ding tein hung ding aw!” tiah a ti. Cupa cu a hung khir ih a feh thei!
11 Cutiih Paul ih a tuahmi cu mipi in an hmuh tikah anmah Likaonia òong in, “Khawzing pawl minung bangtuk ah an cang ih kan hnenah an rung a si hi!” tiah an au ciamco.
12 Barnabas kha an khawzing Zeus hmin an pek ih Paul cu a òong biktu a si ruangah an khawzing Hermes hmin an pek.
13 An khuahnar ah an khawzing Zeus ih biakinn a um; cutawkih puithiam in cawcang pawl le pangpar pawl kotka ah a run keng, ziangahtile amah le mipi pawl in tirhthlah pawl hnenah raithawinak pek an duh ruangah a si.
14 Cutiih tuah an tummi cu Barnabas le Paul in an theih tikah an hnipuan an thlek ih mipi lakah au phahin an tlan vivo.
15 “Hitiin ziangahso nan tuah tum? Kannih hi nanmah bangtuk milai kan si ve! A òhahnem lomi thil nan tuahnak ihsin lei le van le tipithuanthum le a sungih ummi hmuahhmuah a tuahtu Pathian nung hnenih nan kirnak dingah Thuthangòha sim dingin kan ra a si.Ref 14.15 Suah 20:11; Saam 146:6;
16 Hlanlai ahcun Pathian in zozo khal an duhmi lamzin thlun dingin a on.
17 Sikhalsehla thilòha a tuahmi in amah a um ti kha a langter ringring a si: Van ihsin ruah a surter ih a tikcu caan ah thlaici kho a umter; tirawl a lo pek ih nan thinlung hnangam in a tuah a si,” tiah an ti.
18 Cutiin an sim hnu hmanah raithawinak tuah lo dingah tirhthlah pawl in misenpi cu har zet in an kham thei ceu.
19 Judah mi òhenkhat Pisidia ram Antiok khua in le Ikoniam khua ihsin an ra ih miburpi kha anmah lam òang dingin an sawm ngah hnuah Paul cu lungto in an deng; a thi zo tiah an ruat ih hnarpawn ah an hnuk ih an taan.
20 Sikhalsehla dungthluntu pawl a kiangah dingin an tonkhawm awk tikah a tho ih khuasung ah a fehsal. A thai sun ah Barnabas thawn Derbe khua ah an feh.
Siria Ram Antiok Khua Ah An Kir
21 Paul le Barnabas in Thuthangòha cu Derbe khua ah an sim ih dungthluntu tampi an ngah. Cuih hnuah Listra khua, Ikoniam khua le Pisidia peng Antiok khua ah an kir.
22 Zumtu pawl kha tha an pek phah vivo ih zumnak sungah rin tlak zet in um dingin an forh vivo. “Pathian Uknak sung lut ding kan si ahcun harsatnak tampi kan ton ding hrimhrim a si,” tiah an zirh vivo.
23 Kawhhran umnak poh ah kawhhran upa an ret vivo ih thlacam le rawl ul in, an rinsanmi an Bawipa hnenah hlannak an tuahta vivo.
24 Pisidia ram an lan òheh hnuah Pamfilia ram an thleng.
25 Thuthangòha Perga khua ah an sim ih cuih hnuah Attalia khua ah an vung feh.
26 Cutawk ihsin lawng in Antioko 14:26 Antiok hi Siria ram Antiok khua a si. khua ah an kir. Antiok khua cu atu ih an òhehmi an hnaòuan òuan dingah Pathian hnenih an rak pekawknak khua kha a si.
27 Antiok khua an thlen tikah kawhhran senpi pawl an kokhawm ih Pathian in anmah a hman zia le Zentail mi pawl Pathian thu zum dingih lamzin a on sak zia pawl an sim.
28 Cutawkah zumtu pawl thawn reipi an um tlang.