7
Ng'Chulaa Nak awn Am'Tumtäng Nak
1 Phäi nau gui aw, nang mi cu thukhän nami hmat pyi ci kia ne tuk bäi ka pyein vai ah a mawng gui cu nami hmat khai nei. Chang
cu a ghin zah ak chuih thukhän ah kyong ung om ci.
2 Ceimah pyi ciah hnumi tumat awn m'tumtäng ah a kyak ung, cun ah hnumi cu a cei a ghin zah ak chuih ng'chungla nak ah thukhän ah
kaa ah om ci. Cun ung phi a cei a sih ah a kyak läi ung ng'chu
laa nak thukhän phiawn nak ciah kyak ci.
3 Cun ah kya sei ani cu a cei ghing ne om lang sei, a hei pami awn ani om ba ah a kyak ung ani cu thuihmai chang ah pyein vai kyak
ci. Cun ung phi a cei a sih läi ung, ani cu thukhän phiawn na
pyi ci kya sei, a hei pami awn ani ng'chulaa ba ung thuihmai chang
ah pyein vai ah kä kyak ci.
4 Phäi nau gui aw, shin ah mawng cu nang mi awn phi ng'lüng ci nei. Nang mi cu Bawi Khrit ah pumsa ah nami kya pyi ci kya ne,
thukhän ung nami ghin nak cu si pyi ci nei. Khanpughi ah khuut
bi nak ung hnüntho ciah mi kyak nak vai ah sih nak ung ka tho ba
ciah BawiKhrit ah chang ah nami kya pyi ci nei.
5 Mik mi cu khomdek pumsa ah ng'zak hlü ah ghing ne mi om zah ung thukhän awn lawk ciah shetkat nak hlü ah m'lung naw mi pumsa
kyong ah bi bi ne, mik mi cu na sih sak gui ci.
6 Zanä na khitpawng gui man ciah thukhän cu mi sih püi pyi ci kya sei, tuk bäi mik mi naw thukhän cu mi phyawn ah pyi ci nei.
Tuk bäi mik mi cu gu ne pian ah thukhän lam k'phyim awn kä
kyak ciah, Mumcha ah pian ah lam k'thai awn Khanpughi ah khuut cu
mi bik ci nei.
Thukhän La Kat Nak
7 Cun ah a kyak ung thukhän amät cu kat nak ah mi pyein khai ang!Cun ah kä kyak ci!Cun ung phi kat nak cu a i ang, ci cu
thukhän naw na hmat sak ci. A vaisü ah, “chang ah khawh kä
ng'zak hlü düt vai,” ciah thukhän naw kä a pyein vai sü ung,
ng'zak hlü nak düt ah mawng cu kei naw kä ka hmat khai sü te,
8 Kat nak naw mik mi am cun ah thukhän cu na shüm sak gui ne, mi m'lung kyong ah ng'zak hlü nak a hlühlü cu dang sak ci. Thukhän
kä a om ung kat nak cu ak si ah kyak ci.
9 Kei ka mät phi thukhän cu kä ka hmat man ci, thukhän ka hmat law vai am tün ne, kat nak cu kei ung ghing lawk ci.
10 Cun kawn ah kei cu ka sik ci. Kei naw ka ghing nak vai ah pyein ah thukhän naw kei cu na sih sak ci nei.
11 Kat nak naw lam shui ne thukhän am'dang nak awn kei cu na sih sak ci nei.
12 Cun ah kya sei thukhän cu theing cim ci, thukhän cu ng'cim ne, ng'düng ne, nik ci.
13 Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak ci cu kat nak ah kyak ci, kat na cu kei ah
ka nupuk ng'tüipüi ah ang dang vai ah, ak ni cu mang ne kei cu
ana sih sak ah kyak ci. Cun ah kya sei kat nak a i hlawk ah
ashetkat ah mawng cu thukhän awn hmat ah kyak ci.
Chang ah M'Lung Ngaih Ang Pai Nak
14 Thukhän cu mumcha lam ah kyak ciah mi hmat ci, cun ung phi kei cu
kat nak ah khlei-htein, chang ah hta ah ka kyak ci.
15 Kei naw a i ka bi cu kä ka hmat ci. A i ah kya sei ci ung, kei naw ka bi hlü cu kä bi phung ne, kä ka ng'zak hlü bängbäng
cu ka bik ciah kyak ci.
16 Kei naw kä ka bi hlü bängbäng te, ka bik ciah a kyak nak awn, thukhän cu ng'düng ciah kak bäi ci.
17 Cun ah kya sei kei naw ka bilawh gui bik ci cu kei akcang ah kä kyak ci;kei ah m'lung kyong ung ghing ciah kat nak ah bi ah kyak
ci.
18 Hnicim chang ah ka kyak ciah kei ung akni kä om ciah kei naw ka hmat ci. A i ah kya sei ci ung kei naw akni ka bi hlü ung phi,
akni cu kä ka bi hlawt ci.
19 Kei naw ka ng'zak hlü ah akni cu kä bi hlawt ne, kä ka ng'zak hlü ah akshe bängbäng cu ka bik ci.
20 Kei naw kä ka ng'zak hlü bängbäng ka bi cu, kei ah bi ah kä kyak ci, kei ah m'lung kyong ung ghing ne om ciah kat nak ah bi
ah kyak ci.
21 Cun ah kya sei thukhän ah bi nak ung kei naw ka hmuh cu, Kei naw akni ka bi hlü nak awn, akshe bängbäng ghü ne ka bik
ciah kyak ci.
22 Khanpughi ah thukhän cu kei ah m'lung kyong naw zeikiai ne dou ci.
23 Cun ung phi kei ah pumsa kyong ah kei ah m'lung ngaih ah ng'zak hlü awn ng'kükneet ng'tu ng'aat ciah thukhän ah mawng tumat
om ci. Cun cu kei ah pumsa kyong ah hnüntho law ne, kei cu kat
nak ah thawng khui ah na chum ci.
24 Kei cu ang htei ah kam lung thüi aih ci nei, Kei na sih sak ciah shin ah pumsa ung kaa a u naw kei cu na hun tuk khai ang!
25 Mi Bawipa Jesuh Khrit awn na hun gui ciah Khanpughi ah m'gein nak cu hlüngtai aih ci nei.
Ak hnu ah ka mät ah mawng ka pyein hlü cu, Ka m'lung kyong awn
Khanpughi ah khuut ka bi sang ung, ka hnicim chang nak naw kat
nak ah bi cu ka bik ci nei.