4
Bawipa Jesuh Atüihtok nak
(Matthe 4:1-11; Makuh 1:12-13)
1 Bawipa Jesuh cu Mumcha Theing awn be ne Jordan tuinu ah kaa law ba khätah, Mumcha naw bungbuk ah khah püi ci.
2 Acu ah hnüüp phli-kip ung khoshe ah tüihtok nak gah ci. Hnüüp cun gütung Bawipa cu ei kä ei ah om ci kia ne ang htei
ah ei cawi lawk ci.
3 Cun kawn ah khoshe naw, “Nang cu Khanpughi ah hta ah na kiak ung shin ah lung cu m'htut ah piang ä” ci ne kiak nak ci.
4 Bawipa Jesuh naw, “Cacim naw pyein ci, chang cu ei ei bäng awn ghing ciah kä kiak ci.” ci ne kiak na ci.
5 Akhnih vei nak ah khoshe naw, Bawipa Jesuh cu chaang ne, khomdek khan ung Bawimang uknak avan cu m'hnuh netah;
6 “Shin ah bämang hlüngtai nak avan kei naw ka ning pek khai, shin gui avan cu kei ah kut ung om ci, a u-am phi kei naw ka pe
hning ci.
7 Kei na na khawihnah ung shin gui avan ka ning pek khai” ci ne kiak nak ci.
8 Bawipa Jesuh naw, “Cacim naw pyein ci, ‘Na Bawipa na Khanpughi bäng khawihnah taigü ne, ani ah bi bäng na bi vai” ci ne
kiak nak ci.
9 Cun kawn ah Bawipa Jesuh cu Jerusalem ah hteh püi ne, ahlüng nak pi k'bäih ah ngoh sak netah, “Nang cu Khanpughi ah htapa akcang
ah na kiak ung, shin ung na ng'phäi khai;
10 Cacim naw pyein ci,’ Nang ning m'htei khai gui ah Khanpughi anw khankho chang gui cu m'düih gui khai;
11 Ngami naw ami kut naw ning chaang u sei, na kho phi lung naw kä ning plawh khai’ ciah om ci, ci ne pyein ci.
12 Bawipa Jesuh naw, “Cacim naw pyein ci,’ Na Bawipa la Na Khanpughi cu kä na phawtcam vai” ci ne kiak nak ci.
13 Khoshe naw Bawipa Jesuh cu akda vei tüihtok netah ng'hlah ta ne a hei ah hteit ci.
Bawipa Jesuh naw Kalile Kho ung Tün ne Bi Bik ci.
(Matthe 4:12-17; Makuh 1:14-15)
14 Bawipa Jesuh cu Mumcha Theing awn be ne, Kalile kho ung law ba khätah, ani ah mawng cu cun ah kho avan ung thang ci.
15 Ani naw chang gui ah pum nak päng ah hteit ne m'theithang gui sei, chang gui naw m'hlüngtai ci gui.
Bawipa Jesuh cu Nazaret Kho ah Maa nak ci Gui
(Matthe 13:53-58; Makuh 6:1-6)
16 Cun kawn ah Bawipa Jesuh cu a däm ng'vai law nak Nazaret gawnu ah hteit ba ci. Ani cu kyin hnüüp ung ahteh man ah, pum im ah
hteit ne, cacim cu phat khai ah ng'düi law khätah;
17 Pum im ngäng ciah chang naw profet Isaiah ah guk ah ca-uk cu pe lawk ci. Bawipa Jesuh naw cun ah ca-uk cu kawt netah;
18 “Khanpughi ah Mumcha cu kei khan ah gawk law pyi ci,
Geinvai ci gui-am Thu Ni m'thein gui vai ah
Kei cu na ghü pyi ci,
Thawng ung kium ci gui ah phiawn nak vai,
A mik m'dauh ci gui ah m'dei ba nak vai la
Shedam nak gah ci gui ah phiawn nak vai ah mawng
shäu ne pyein vai ah kei cu ghü ne na tüi pyi ci
19 Khanpughi naw akchang gui a hun nak gui ah khin
a gawk law ah mawng shäu ne pyein vai ah,
Kei cu ana tüih law nei’ ciah cacim cu phat ci.
20 Bawipa Jesuh cu, aphat ah ca-uk chaw ne pum im ngäng ci-am pe be netah ngoh ba ci. Pum im kyong ah lawk ciah chang avan naw cäi
ne teng ci gui.
21 Bawipa Jesuh naw, “Shin ah cacim ung om ci cu, tuhbäi nami ng'zak ah mäih ah küm pyi ci nei” ci ne pyein ci.
22 Chang gui naw ani cu m'tamkhah u ne, ang thu pyein cun phi ngaihtüh u netah, “Ani cu Josef ah hta ah kä kia ne ang?” ci
ne kiak ci gui.
23 Bawipa Jesuh naw, “Nangmi naw, ‘nang seibawi, na mät ah nat nak, na mät naw na gai vai ah m'htei ä’ ciah khuishui ah mäih
ah nami na ng'thu püi khai, Kapernaum ah na bi ah mäih ah, na
mät ah pigaw ung phi na bi vai, ci ne nami kiak khai;
24 Bawipa Jesuh naw khen gui netah “Kei naw akcang ka pyein cu, a u profet phi amät ah pigaw ung a u naw m'tamkhah ne kä dou man ci nei” ci
ne kiak na gui ci.
25 Ka pyein cu ngai vä, Eliah a om zah ung Israel kho ung hmeinu akda om man ci. Cun zah ung kho kum thum la avang ung kho
ng'kyang sei chang gui cawigha geinvai ci gui.
26 Cun ung phi profet Eliah cu Khanpughi naw a u ah om nak ah phi kä tüih ah, hmeinu tumat ah om nak Sidon khopäng Zarephat
pigaw bäng ung tüi ci.
27 Profet Elisha ah om zah ung phi Israel chang gui akda khei-lei ung gaw u sei, a u phi kä gai sak ci, Sirian ah kaa Naaman bäng gai sak
ci” ci ne m'thein gui ci.
28 Cun ah ng'thu ng'za u netah pum im kyong ah chang gui cu, m'lung she ci gui.
29 Ami van ng'düi law u netah, Bawipa Jesuh cu ami pigaw m'htung lai ah kheing ung, buh hlit vai ci ne, hteh püi ci gui.
30 Cun ung phi Bawipa Jesuh cu chang gui ah ng'lung ah lut ne, ahei lam ah hteit- ei ci.
Mumcha She Ah Kai Chang Tumat
(Makuh 1:21-28)
31 Bawipa Jesuh cu Kalile kho Kapenaum gawnu ah hteit ne, pum hnüüp ung pum im ah hteit ne m'theithang gui ci.
32 Bawipa Jesuh ah ang thu k'aw cu huham ah aih khätah chang gui cu cäi ci gui.
33 Cun zah ung zarat ung khoshe ah kai chang tumat om ci. Acun ah chang naw m'lau ne,
34 Nazaret ah kaa Jesuh awi, nang cu keimi awn a i ah na ng'mäihzah ci ang? Na na m'di gui khai ah ang na law? Kei naw, nang cu a u
ah na kiak ah ka ning hmat ci nei, nang cu Khanpughi ah theingcim
ciah ng'shä k'ni ah na kiak ci nei” ci ne pyein ci.
35 Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ung kaa lut law ne, ahei ah hteit
ä” ci ne k'täm ci. Acun vai-am, ami ma ge ung khoshe cu, chang
a i ah phi kä plawh kheih shüt ah lut law ne dawng ci.
36 Chang gui cu cäicat u netah, “a ni a i hlawk ah huham ah ne ang, khoshe hngaw aktäm hning? ci ne ami mät ng'ce ng'cäk u
netah hteit ba ci gui.
37 Bawipa Jesuh ah amawng cu acun ah kho avan ung thang zawp ci.
Bawipa Jesuh naw Chang Akda Gai Sak Ci.
(Matthe 8:14-17; Makuh 1:29-34)
38 Bawipa Jesuh cu pum im ung kaa kyum law ba ne, Simon ah im ah hteit khätah, Simon ah akchu ah anu, ang htei ah gaw sei anam
htei ci gui.
39 Bawipa Jesuh naw akgaw ah pei ah hteit netah, gawnak cu k'taap ge ne k'täm ci. Gaw nak maih sei, acun vai-am ani cu tho law ba ne,
ngami cu khin na gui ci.
40 Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne akut taih ne gai sak gui ci.
41 Khoshe gui cu chang gui ung kaa lut law zawp u netah, “nang cu Khanpughi ah Htapa ah na kiak ci nei” ci ne ng'shäu u ne dawng
zawp ci gui.
Bawipa Jesuh Messiah ah a kiak cu khoshe gui naw hmat ci gui ah
kia sei, acun ah mawng kä ami pyein vai ah m'cäi gui ci.
Pum Im ah Bawipa Jesuh ah ng'Thu Pyein
(Matthe 1:35-39)
42 Kho thai law khätah Bawipa Jesuh cu, pigaw ung kaa ading gei nak ah hteit ci. Chang gui naw shui ba ne hmu law u netah, kä a hteh
taak gui vai ah cho ci gui.
43 Cun ung phi Bawipa Jesuh naw, “Kei cu Khanpughi naw ka hteit khai ana tüih law ah kia sei, Khanpughi ah uknak ah mawng ng'Thu
Ni cu, akho hei zung ah phi hteit ne ka pyein khai nei” cik ci.
44 Cun kawn ah Bawipa Jesuh cu Judah kho avan, pum im päng ung hteit ne ng'thu pyein ci.