14
Bawipa Jesuh Naw Ak Gaw Tumat Gai Sak ci.
1 Kyin nak ah hnüüp ät ung Bawipa Jesuh cu Pharisee ang vai tumat ah im ah ei ei tuk khai ah hteit ci: cun zah ung Bawipa
Jesuh cu chang gui naw adäm ah m'kein ci gui.
2 Bawipa Jesuh ah a pei ah khonu ung gaw ciah chang tumat cu gawk law khätah,
3 Bawipa Jesuh naw, “Kyin hnüüp ung gawpram ci gai sak vai ang?” ci ne pharisee gui la thukhän saza gui cu ng'shi gui ci.
4 Cun ung phi ngami cu kä chiü ne om ci gui. Bawipa Jesuh naw akgaw cu khü ne gai sak netah, hteh ba sak ci.
5 Cun kawn ah Bawipa Jesuh naw, “Nangmi ung kaa a hta baw, asei baw, gheem ah a luh ung kyin ah hnüüp ci ne kä khui tu ba ah a
u om khai ang?” ci ne ng'shi gui ci.
6 Cun ung ngami naw a i ah phi m'hlan ne kä pyein ba ci gui.
M'lung Neim nak La Khinchang M'Htei Nak
7 Cun ah ei awk nak ung gawk lawk ciah khin gui cu, akni nak pi bäng bäng ghü ne ngo u sei hmu gui netah, Bawipa Jesuh naw,
shin ah m'tumtäng ne m'thein gui ci.
8 “Nangmi cu hta m'um nak pawi ung ning khü tu gui u sei, nami ng'khäh tu ah a kiak ung, akni nak pi bäih ung kä nami ngoh tu
ma vai. Nangmi ah bä ng'vai pi ci ami lak tu a law ah a kiak
ung;
9 im mah naw nang ah law ne, khin ah ngoh nak vai ng'nawn tu pe ä, ci lawk khai. Cun ung nang cu ng'aa ne ang neim nak ung na ngo ba
khai.
10 Cun ah kia sei nang cu ning khü tu u sei, na ng'khäh tu ah a kiak ung ang neim nak pi ung na ngoh vai. Cun ung im mah naw nang
ah law ne, “Teihpüi aw, ani nak pi ung hteit ne ngo tuä” ci
ne ning khü ne ning ngoh tu sak khai. Cun ung nang cu khin chang
ah ma ah aa-mah ne na om tuk khai.
11 Amät naw amät m'hlüngtai ci cu, neim sak nak gah khai, amät naw amät neim sak ci cu, m'hlüngtai nak gah khai” ci ne m'cäi
gui ci.
12 Cun kawn ah Bawipa Jesuh naw, im mah-am, “Nang cu ngawi ei, mü ei chang-am tumbei ne na khin chah law nak ung, na teihpüi gui,
na phäi nau gui, na mätzah gui, bühmang ciah na paw chang gui,
cu khü ne kä na tumbei gui vai. Cun ah na tumbei gui ung nang
phi ning khü tuba ne acun ah ning tumbei tu ba khai gui.
13 Cun ah kia sei khin chah nak pawi na bi law ung;ghawipyam ci gui, akut khaw ng'khem ci gui, amik hna kak ci gui, khü gui ne na
tumbei gui vai.
14 Cun ung nang ah khan ah zeikiai nak om khai, a i ah kia sei ci ung ngami naw nang cu kä ning tumbei tuba hlawt khai gui. Chang
k'ni gui sih nak ung kaa ami thawh law ba hnüüp ung na bi nak
cu Khanpughi naw ning m'thung ba khai.
Tungchün Ciah Pawi awn M'Tumtäng Nak
(Matthe 22:1-10)
15 Bawipa Jesuh awn atäng ah pawi ung om tuk ciah chang tumat naw, cun ah ng'thu cu ng'za netah, “Khanpughi ah uknak kho ah khin ei
vai tuk ciah chang cu, zeikiai nak om ci” ci khätah;
16 Bawipa Jesuh naw, “Kho hnüüp ät ung chang tumat cu, ak tungchün ah khin ei shong ne chang ui akda khü gui ci.
17 Ei awk vai a khin gawk law sei chang tumat cu tüi ne, akhü tu gui ah chang gui ami law ba vai ah khaw ba sak gui ci.
18 Ngami ami van naw kä kami law hlawt khai nei, ci ne kia zawp ci gui. Akhtük ung tumat naw, “Lai ka khleih hteit ne ka teng
tuk khai kia sei, kä ka law hlawt khai nei, kä na gen vä” cik
ci.
19 Ahei chang tumat naw phi, “Seipat hmaa ka khleih ci kia sei, hteit ne ka teng tuk khai, kä ka law hlawt khai, kä na gein
sä” cik ci.
20 Ahei tumat naw phi, “Kei tuhbäi ka chumah thai ci kia sei, kä ka law hkawt khai nei, kä na gen sä” cik ci.
21 Ak chang tüih cu law ba ne, acun gui avan cu im mah-am m'thein law ba ci. Im mah cu m'lungshe netah, “Lam kyum lam k'cawh,
k'htawk-kem zung ah hteit ne, ghawipyam ci gui, akutkho ng'khem
ci gui, amik hnga kak ci gui, khü gui ne law püi gui ä,” ci
ne tüi ba ci.
22 Kä shou pha sei, akchang tüih cu gawk law ba ne, “Na pyein nah mäih ah, ka khü gui pyi ci nei, cun ung phi ngoh nak vai awng
ba ci nei” cik ci.
23 Im mah naw, “Pigaw im lo zung nüng ah hteit ne, ka im ung be khai ah, chang gui khü law gui zä, azan khü gui ma ah chang
tumat naw phi;
24 Shin ah khin ei kä ami ei-en law tu vai nei, ci ne ka ning m'cäi gui ci nei” cik ci.
Ang Düihpüi ah Kiak nak Vai ah Ang Cheng
(Matthe 10:36-38)
25 Hnü ät tung chang khli cu ani awn atäng ah law tu u khätah, va mang ba netah, Bawipa Jesuh naw,
26 “Kei ah alaw tu pang ung phi, kei ana m'hni ah mä, anupa, achu hta, aphäi nau la amät m'hni pi ciah chang cu, kei ah
ng'düihpüi ah kä kia hlawt khai.
27 Amät ah kutlam tung kawt ne ka hnu ah kä na läk ci phung cu, kei ah ng'düihpui ah kä kia hlawt khai.
28 Nangmi ung kaa chang tumat naw, tänghän tumat co khai ah apawnng m'hten ung, cawh kyan nak vai a i chü ng'pyi khai, cawh
kyan nak vai ngui ghui a i chü om khai ang?” ci ne ngaih tüh
cang khai kiak ci nei.
29 Cun ah kä ngaih tüh kä pawng m'htein ah, co law ghet netah, kä am üp law hlawt ung, chang gui naw gaih tuk khai gui nei.
30 Shin ah chang cu tün ne läi co law te ci, kä m'üp hlawt ci nei” ci ne päipih khai gui nei.
31 “Ghangpughang tumat cu, gakap phia-ghaa ng'khahpüi ne, gakap phiaa m'ku khah püi ciah, ahei ghangpughang cu, tuk khai ah ang
düih law ung kam khüt khai ang? kä ka m'khüt khai ang! ci ne,
ngo ne ngaih tüh cang khai ah kä kia ne ang?
32 Avaisü ah tuh ne kä m'khüt khai ah a kiak ung, ng'shä hei tüi ne, ng'khawt ng'gei vai ah ng'ge khai nei.
33 A cun ah mäih ah nangmi ung kaa a u phi amät ung om ci nüng kä nawng shüt zawp hlawt ci cu, kei ah ng'düihpüi ah kä kia
hlawt khai” ci ne m'cäi gui ci.
M'Shi Awn M'Tumtäng Nak
(Matthe 5:13; Makuh 5:50)
34 “M'shi cu nik ci, cun ung phi a tuui a maih kawn ah a tuui nak a hawi hmuh ba hlawt vai ang?
35 Lai ah hmawk ah phi bäi, m'dek ani vai ah hmawk ah phi bäi, kä mang ba phyak ci. Cun ah kia sei chang gui naw, fit ghawt düt ci
gui, akhngaa om ci naw ng'za sä” cik ci.