1 ဇိအုန်မြို့ကိုသတိရကြသော်၊ ဗာဗုလုန်မြောင်းများအနီးငါတို့ထိုင်၍ငိုကြွေးလျက်၊ 2 စောင်းများကိုမိုးမခပင်များ၌၊ ချိတ်ထားကြရလေစွ။ 3 အသို့ဆိုသော်၊ ငါတို့ကိုသိမ်းသွားသူတို့က၊ ဂၙါထာစီကုံးကိုလည်းေကာင်း၊ ညှင်းပန်းသူတို့က၊ ဇိအုန်မြို့ဆိုင်ရာပီတိသီချင်းကိုလည်းေကာင်း၊ အဆိုခိုင်းကြသည်တကား။ 4 ထာဝရဘုရား၏သီချင်းကို၊ နိုင်ငံခြားတွင်မည်သို့ဆိုကြရအံ့နည်း။ 5 အိုယေရုရှလင်မြို့၊ သင့်ကိုငါသတိလစ်လျှင် ညာလက်သည်ကျင်လည်ခြင်းကိုလစ်ပါစေ။ 6 သတိမရဘဲ၊ သုခအထူးထက်၊ ယေရုရှလင်မြို့ကိုငါမမြတ်နိုးလျှင်၊ လျှာသည် အာခေါင်၌ကပ်ပါစေ။ 7 အိုထာဝရဘုရား၊ မြို့တော်ကိုအခြေအမြစ်ပါဖြိုလှဲကြ၊ ဖြိုလှဲကြဟုဆိုသော ဧဒုံအမျိုးသားတို့တစ်ဘက်၊ ယေရုရှလင်မြို့၏နေ့ရက်ကိုသတိရတော်မူပါ။ 8 ဖျက်ဆီးတတ်သောအချင်းသတို့သမီးဗာဗုလုန်၊ ငါတို့၌သင်ပြုသကဲ့သို့ဆပ်ပေးမည့်သူသည် မင်္ဂလာရှိ၍၊ 9 သင့်သူငယ်များကိုကိုင်လျက်၊ ကျောက်ပေါ်မှာဆောင့်သတ်သူသည် မင်္ဂလာရှိပါစေသော။