1 စပျစ်ရည်သည် မထီလေးစားပြုရာ၊ အရက်လည်းဆူညံရာအကြောင်းဖြစ်သောကြောင့်၊ ယစ်မူးသမျှသောသူတို့သည် ပညာမဲ့ကြ၏။ 2 ဘုရင်မင်း၌ ကြောက်မက်စေသောအရာသည်၊ ခြင်္သေ့ဟောက်သံနှင့်တူသဖြင့်၊ အမျက်တော်ငြိသူသည်၊ ကိုယ့်အသက်ဆုံးရှုံးရာရောက်၏။ 3 ခိုက်ရန်ဖြစ်ခြင်းနှင့် ကင်းလျက်နေသောသူသည်၊ ဂုဏ်အသရေရှိ၏။ လူမိုက်မူကား၊ မျက်မာန်ထတတ်၏။ 4 ပျင်းရိသောသူသည်၊ မိုးဥတုတွင်၊ လယ်မထွန်ဘဲနေသဖြင့်၊ ရိတ်သိမ်းရာကာလ၌၊ တောင်းသော်လည်းမရချေ။ 5 လူ့စိတ်နှလုံး၌အကြံအစည်သည်၊ နက်သောတွင်းရေနှင့် တူသော်လည်း၊ ဉာဏ်ပဋိဘာန်ရှိသောသူသည်၊ ခပ်ယူနိုင်၏။ 6 များစွာသောလူတို့သည်၊ ကျေးဇူးပြုတတ်သူနှင့် တွေ့ကြုံရသော်လည်း၊ သစ္စာရှိသူ့ကိုကား၊ မည်သူတွေ့နိုင်အံ့နည်း။ 7 ဖြောင့်မတ်သောသူသည်၊ ရိုးသားစွာလျှောက်လိုက်သဖြင့်၊ ဆင်းသက်သောသားမြေးတို့၌ မင်္ဂလာရှိ၏။ 8 တရားပလ္လင်ပေါ်တွင် ထိုင်နေသောဘုရင်မင်းသည်၊ အဆိုးရှိသမျှကို မျက်စောင်းတော်ဖြင့် လှေ့တတ်၏။ 9 ကိုယ့်စိတ်နှလုံးကိုစင်ကြယ်စေပြီ။ အပြစ်နှင့်သန့်စင်လျက်ရှိပြီဟု၊ မည်သူဆိုနိုင်သနည်း။ 10 အချိန်ချင်းမတူသောအလေး၊ အခြင့်ချင်းမတူသောတောင်း၊ ထိုနှစ်မျိုးသည် ထာဝရဘုရား၏ မျက်မှောက်တော်၌၊ စက်ဆုပ်ရွံ့ရှာဖွယ်ဖြစ်၏။ 11 သူငယ်သော်လည်း၊ သဘောစင်သည်မစင်သည်ကိုလည်း‌ေကာင်း၊ မှန်သည်မမှန်သည်ကိုလည်း‌ေကာင်း၊ အပြုအမူများထင်ရှားစေတတ်၏။ 12 ကြားရသောနား၊ မြင်ရသောမျက်စိ၊ နှစ်ပါးလုံးကိုထာဝရဘုရားဖန်ဆင်းတော်မူပြီ။ 13 နွမ်းပါးခြင်းအဖြစ်သို့မရောက်စေရန်၊ အိပ်ကြူးခြင်းကိုမခုံမင်နှင့်။ နိုးကြားလျှင်မူကား၊ အစားအသောက်နှင့်ရောင့်ရဲရလိမ့်မည်။ 14 ဝယ်မည့်သူက၊ မကောင်းပါမကောင်းပါဟုဆိုတတ်သော်လည်း၊ ဝယ်သွားပြီးမှ ဝါကြွားတတ်၏။ 15 ရွှေနှင့်ပတ္တမြားအများရှိသည်မှန်သော်လည်း၊ အသိပညာနှင့်ပြည့်စုံသောနှုတ်ကား၊ ထူးမြတ်သောရတနာဖြစ်၏။ 16 သူတစ်ပါးနှင့်သူစိမ်းတို့အတွက်အာမခံသောသူ၏ အဝတ်ကိုပင်၊ ယူ၍ပေါင်ထားပါစေ။ 17 လှည့်စားသဖြင့်ရသောအစာသည်၊ ချိုမြိန်သည်မှန်သော်လည်း၊ စားရသော သူ၏နှုတ်သည်၊ ကျောက်ခဲသလဲနှင့် ပြည့်ဝလိမ့်မည်။ 18 နှီးနှောတိုင်ပင်ခြင်းအားဖြင့်၊ အကြံထမြောက်တတ်၏။ အကြံပေးရာကိုဆင်ခြင်ပြီးမှသာလျှင်၊ စစ်မှုကိုစီရင်လော့။ 19 ကုန်းချော၍ သွားလာတတ်သောသူသည်၊ လျှို့ဝှက်အပ်သောအရာကိုဖော်ပြတတ်သည်ဖြစ်၍၊ မလိမ္မာသောနှုတ်ရှိသူနှင့်မပေါင်းနှင့်။ 20 အကြင်သူသည်၊ အဘကိုသော်လည်း‌ေကာင်း၊ အမိကိုသော်လည်း‌ေကာင်း၊ ဆဲဆိုအံ့။ ထိုသူ၏မီးခွက်သည် မှောင်မိုက်အတိ၌ငြိမ်းလတ္တံ့။ 21 အစအဦး၌ လောဘအလိုက်၊ ဥစ္စာပိုင်ရသော်လည်း၊ အဆုံးတွင်၊ အမင်္ဂလာတည်လိမ့်မည်။ 22 အဆိုးအတွက်လက်စားချေမည်ဟုမဆိုနှင့်။ ထာဝရဘုရားကိုစောင့်ေမျှာ်လော့။ ကယ်တင်တော်မူလိမ့်မည်။ 23 အချိန်ချင်းမတူသောအလေးများသည် ထာဝရဘုရား၏မျက်မှောက်တော်၌ စက်ဆုပ်ရွံရှာဖွယ်ဖြစ်၏။ စဉ်းလဲသောချိန်ခွင်လည်းမကောင်း၊ 24 သူတော်ကောင်း၏ခြေရာများကို၊ ထာဝရဘုရားစီစဉ်တော်မူလျက်နှင့်၊ ကိုယ်သွားရာလမ်းကို မည်သို့နားလည်နိုင်သနည်း။ 25 သီးသန့်ထားပြီဟုနှုတ်ပေါ့လွန်းလျက်၊ သစ္စာထားမှ ဆင်ခြင်သောသဘောသည်၊ ညွှတ်ကွင်းသဖွယ်ဖြစ်၏။ 26 ပညာရှိသောဘုရင်မင်းသည်၊ လူဆိုးတို့ကိုလှေ့၍ ဘီးဖြင့်ဖိလှိမ့်စေ၏။ 27 လူ၏စိတ်ဝိညာဉ်သည် ကိုယ့်အတွင်းသဘောကိုစစ်ဆေးရန်၊ ထာဝရဘုရား၏ မီးခွက်သဖွယ်ဖြစ်၏။ 28 ကရုဏာနှင့်သစ္စာတရားသည် ဘုရင်မင်းကို စောင့်ထိန်းတတ်၏။ ရာဇပလ္လင်လည်း၊ ကရုဏာတရားအားဖြင့်တည်မြဲ၏။ 29 လူပျိုတို့၏ဘုန်းကား၊ အစွမ်းသတ္တိ၊ လူအိုတို့၏ဂုဏ်ကား၊ ဆံဖြူတည်း။ 30 နာကျင်စေတတ်သောရိုက်နှက်ခြင်းသည်၊ အဆိုးအညစ်ကိုလည်း‌ေကာင်း၊ ဒဏ်ချက်များလည်း၊ အတွင်းသဘောကိုလည်း‌ေကာင်း၊ သုတ်သင်ရှင်းလင်းတတ်၏။