ယောဟန်၏ဩဝါဒကျမ်း
ဒုတိယစောင်
1
1-2 ငါတို့၌ တည်လျက် ကာလအစဉ်ပါရှိမည့်သမ္မာတရားအတွက်ကြောင့် ငါသာမဟုတ် သမ္မာတရားကိုသိကျွမ်းသူခပ်သိမ်းတို့လည်း သစ္စာနှင့်ချစ်ခင်ကြသော လက်ရွေးခံအရှင်မနှင့်သားသမီးတို့ထံ ဥက္ကဋ္ဌဖြစ်သူ ငါရေးလိုက်သည်မှာ၊
3 ခမည်းတော်ဘုရားသခင်နှင့် ခမည်းတော်၏သားတော်ယေရှုခရစ်အထံတော်မှ ကျေးဇူး၊ ကရုဏာ၊ ငြိမ်သက်ခြင်းများသည် သမ္မာတရား၊ မေတ္တာတရားအားဖြင့် ငါတို့နှင့်အတူရှိလိမ့်သတည်း။
4 အဘခမည်းတော်ထံ ငါတို့ခံခဲ့သောပညတ်တော်အရ သင့်သားသမီးအချို့တို့သည် သမ္မာတရားအတိုင်းေလှျာက်လိုက်ကြကြောင်း ငါတွေ့မြင်ခဲ့ရသောကြောင့် အားရရွှင်လန်း၏။
5 ယခုမှာ အရှင်မ၊ ငါတို့သည်အချင်းချင်းချစ်ကြရမည့်အကြောင်း ပညတ်သစ်ကိုမဟုတ်။ အစဦးက ငါတို့ရရှိရင်းပညတ်တော်ကိုထောက်၍ ငါတောင်းပန်လျက်ရေးလိုက်၏။
6 ချစ်ခြင်းမေတ္တာသည် ကိုယ်တော်၏ပညတ်များအတိုင်း ေလှျာက်လိုက်ခြင်းဖြစ်၏။ ပညတ်တော်ကား အစအဦးကသင်တို့ကြားနာခဲ့ကြသည့်အတိုင်း မေတ္တာတရား၌ေလှျာက်လိုက်ရခြင်းတည်း။
7 အသို့ဆိုသော် ယေရှုခရစ်ကို လူ့ဇာတိဖြင့်ကြွလာတော်မူကြောင်း ဝန်မခံသောလူလိမ်အများသည် ဤလောကထဲသို့ထွက်သွားကြပြီ။ ထိုသို့သောသူကား အလိမ်မင်း၊ ခရစ်တော်၏ရန်ဘက်တော်တည်း။
8 ငါတို့ဆောင်ရွက်ခြင်းအကျိုးအဆက်မပျက်မစီးဘဲ စုံလင်စွာခံစားရအံ့သောငှာ ကိုယ်ကိုသတိမူကြလော့။
9 ခရစ်တော်၏ ဒေသနာတော်တွင်မတည်တံ့ဘဲ လွန့်တက်သူ၌ဘုရားသခင်မရှိ။ တည်တံ့သူ၌မူကား ခမည်းတော်နှင့်သားတော်ပါရှိ၏။
10 မည်သူမဆို ထိုဒေသနာတော်မကြော်ငြာဘဲ သင်တို့ထံရောက်လာလျှင် ဧည့်မခံနှင့်။ နှုတ်ခွန်းလည်းမဆက်နှင့်။
11 နှုတ်ခွန်းဆက်သူသည် ချင်းဆိုးသွမ်းမှုများနှင့်ဆက်ဆံရာရောက်၏။
12 သင်တို့ထံရေးလိုက်ရန် အကြောင်းအရာများစွာရှိသော်လည်း စက္ကူတွင်မင်နှင့်မရေးလို။ သင်တို့အပြည့်အစုံဝမ်းမြောက်ကြစေရန် ကိုယ်တိုင်ရောက်လာပြီးလျှင် နှုတ်ခွန်းဆိုင်လျက်ပြောဆိုမည်ဟု အောက်မေ့၏။
13 လက်ရွေးခံသင့်ညီမ၏သားသမီးတို့က သင့်ကိုနှုတ်ဆက်လိုက်ကြ၏။