SAM 52
Ref 52 Abyalu: 1Sa 22.9-10 Ahynpaw tungvaw Byapianawnote52 Abyalu: David tuh Ahimelek inn kya a thua, cite Edom ccungccaw Doeg nynh Saul kha a hopah koute David nynh a phuapaw hlaw.
1 Pou athungpaw ccungccapaw,
Pachia a beik hae paw tungvaw
rysawthyanaw kyakhe
pawccemou na pooku?
2 Anin ninlang ro lanpaw kha
na paccynku.
Na lae tuh ahepaw sangteih te
lokuh zah, hynbya kha a ho.
3 Ahoypaw laeze athahpaw kha
na ryhua zah,
byaccing laeze hynbya kha na ryhua.
4 Pou ahynpaw lae, nang tuh
ronaw bya balyn kha na sungsah.
5 Tukeiccuze Pachia nynh
zungzae ae roh cih;
na bu kyate ccaring ae sue cih zah
thoh ae pae cih;
ahiin hae paw ram kyate
dae ae thua cih.
6 Miding hae nynh hoyleinaw
a rae hae paw kha a muih cih hae zah
a rih cih hae, te a nuinse cih hae zah,
7 “Pachia kya reku leite,
hoirumnaw patae kha doliakuh zah
sisua kya khynnaw a ccungkuhpaw khuh
dotua oh!” cite a ho cih hae.
8 Thuasalama kae tuh Pachia inn kya-e
hinlalyhpaw oliv ku te nynh kae loku.
Pachia sungsahnaw atynpaw kha
zungzae te zungzae cia ka doliaku.
9 Na cyipaw uccaw keiccuze
na tungvaw ka lungtua zungzae cih.
Na hoy keiccuze alungzipaw
na ccungccaw hae a umnaw hae kyakhe
na min kha ka siakhae cih.