SAM 43
Vawsaw Ccyh lya Sawsangnaw
(Sam 42 piade)
1 Pou Pachia, ka sei leinaw kha
thaesah hae,
Pachia nyh leipaw ccungccaw hae kyate
yn thungkhaw; a hyn hae paw te
ading lei hae paw kyate
yn luesah tua!
2 Nang tuh ka khynnaw
Pachia nynh na thua;
pawcce phe nae vua?
Rhaw nynh yn tuaa yn sah keiccuze
pawccemou rawkhuite
palei ka um cih?
3 Na awnaw te na byaccing kha
saw hae lah,
tuh-e hae nynh yn cciakhae hae sah;
athyaapaw na mua te na umnaw kalan
yn cciakhae hae sah.
4 Tetuh Pachia silawhang kalan,
myarya ka lung yn tuasahpaw
Pachia kalan ka cceih cih;
tintang te nang kha kae thehoysah cih,
Pou Pachia, ka Pachia.
5 Pou ka muisaw, pawcce na ngaethya?
Pawcce ka lungkhu kya
na lungriathae?
Pachia kha ngaehoikuh;
yn bawmtu te ka Pachia kha
bua ka thehoysah cih.