SAM 136
Pachia Ryalawnaw
1 Bawipaw tuh hoy zah
a sungsahnaw tuh zungzae atyn keiccuze
amaw kalan lungtuabya ho oh.Ref 136.1: 1Sh 16.34; 2Sh 5.13, 7.3; Ezr 3.11; Sam 100.5, 106.1, 107.1, 118.1; Jer 33.11
2 A sungsahnaw tuh
zungzae atyn keiccuze
pachia hae Pachia kalan
lungtuabya ho oh.
3 A sungsahnaw tuh
zungzae atyn keiccuze
bawipaw hae Bawipaw kalan
lungtuabya ho oh.
4 A sungsahnaw tuh zungzae atyn keiccuze
amaw rou nynh myarya lepaw
ngaeangnaw kha a rae;
5 a sungsahnaw tuh zungzae atyn keiccuze
a hawnaw liate vaawlui kha a rae;Ref 136.5: Gen 1.1
6 a sungsahnaw tuh zungzae atyn keiccuze
laephi kha tui vawlan khe a phae;Ref 136.6: Gen 1.2
7 a sungsahnaw tuh zungzae atyn keiccuze
myarya lepaw awnaw kha a rae;Ref 136.7-9: Gen 1.16
8 a sungsahnaw tuh zungzae atyn keiccuze
khuadae kha uk khylan khuanin kha thuasah,
9 a sungsahnaw tuh
zungzae atyn keiccuze khuazi kha
uk khylan sawpaw te
awsi hae kha thuasah a rae;
10 a sungsahnaw tuh zungzae atyn keiccuze
Izip ram e ccatawccaw hae kha a chia hae;Ref 136.10: Exo 12.29
11 a sungsahnaw tuh zungzae atyn keiccuze
Izip ccungccaw hae kyate
Israel hae kha a poukhae hae;Ref 136.11: Exo 12.51
12 a sungsahnaw tuh zungzae atyn keiccuze
athungpaw kuih te a dyngpaw kuih liate;
13 a sungsahnaw tuh zungzae atyn keiccuze
Rili Se kha ccangning lang a phia;Ref 136.13-15: Exo 14.21-29
14 a sungsahnaw tuh zungzae atyn keiccuze
Israel hae kha rili ngaelung khe
a zuasah hae;
15 a sungsahnaw tuh
zungzae atyn keiccuze
Faro te a rhawkaw hae kha
Rili Se kya pong a phung hae;
16 a sungsahnaw tuh zungzae atyn keiccuze
a ccungccaw hae kha laesia ram kya
a cciakhae hae;
17 a sungsahnaw tuh
zungzae atyn keiccuze
alesaepaw siapharan hae kha
a chia hae;
18 te a sungsahnaw tuh
zungzae atyn keiccuze
a minthaanpaw siapharan hae kha a chia hae;
19 a sungsahnaw tuh
zungzae atyn keiccuze
Amor hae siapharan Sihon kha a chia;Ref 136.19: Nam 21.21-30
20 te a sungsahnaw tuh
zungzae atyn keiccuze
Bashan hae siapharan Og kha a chia;Ref 136.20: Nam 21.31-35
21 a sungsahnaw tuh
zungzae atyn keiccuze
mih ram kha rho lang a pya hae;
22 a sungsahnaw tuh
zungzae atyn keiccuze
a ryalahtu Israel hae kha
rho a pya hae.
23 A sungsahnaw tuh
zungzae atyn keiccuze
aening ah nyaanaw oh kha
oun liathuipya,
24 te a sungsahnaw tuh
zungzae atyn keiccuze
ah rhaw hae kyate
aening kha oun luesah;
25 a sungsahnaw tuh
zungzae atyn keiccuze
ahysuepaw balyn kha
looh a pya hae.
26 Vaawram Pachia kalan
lungtuabya ho oh,
pawccecize a sungsahnaw tuh
zungzae atyn.