SAM 129
Rhaw Tae nawlan Sawsangnaw
Cciathungnaw Hlaw
1 “Ka ngawphue lya mawte
atu te atu yn dou vae hae,” cite
Israel nynh atu ho sah:
2 “Ka ngawphue lya mawte
atu te atu yn dou vae hae,
tuhzemah yn tae khyh hae.
3 Ka ke vawlan leithue hawte a thue hae,
a thuenaw hae khe aringkuhpaw kha
po a nysaku hae,” cite ho hae sah.
4 Bawipaw tuh a ding;
aning nynh ccungccaw hoylei hae paw kya-e
arui kha thoh a pae vae.
5 Zion a huatu hae balyn tuh
maethyate nulang sihkuh hae sah.
6 Minmin tuh innccukaly kya po zah
a lethung mawze baleih anaanpaw
lonua hawte thua hae sah,
7 tuh-e lonua a khaeetupaw nynh
a kuih te huukhin mue khyh zah,
lonua cce a tungtupaw nynh mah
a kuih te pomkhin mue khyh,
8 a pepan po cceih hae paw nynh,
“Bawipaw hythuanaw
na tungvaw um vae sah!
Kaening nynh Bawipaw min te
hythua kae pya,” cite
hopah khyh hae.