SAM 128
Lungtuapaw Innbyn
Cciathungnaw Hlaw
1 Bawipaw rawrih zah
a laanpi a zuipaw miakaw tuh
lungtuapaw nynh thua.
2 Na kuih te rya na lah zah
na muepaw looh kha na ae cih;
na lungtua cih zah
na laan na sui a ua cih.
3 Na zu tuh na inn lungkhu kya
patae a thaepaw misu ku hawte athua cih;
na ccaaw hae nynh oliv thingtoi hawte
na ccaboi kha a koihlu cih hae.
4 Bawipaw rawrihpaw ccungccaw tuh
tuhcite hythuanaw a ccou cih.
5 Bawipaw nynh Zion kyate
hythua ae pya oh.
Jerusalem kya-e hoirumnaw kha
nae hiin lungkhu balyn
la ccou vae oh.
6 Nae mintaw hae kha
la muih hin vae oh.
Israel kya daenaw um sah!