SAM 123
Thawccinaw hanlan Ngianaw
Cciathungnaw Hlaw
Vaawram bawitungkhung kya
a umpaw Bawipaw ,
namaw kalan khe ka dothung!
See hae nynh mih bawipaw kuih kha
do hae zah,
seenung hae nynh mih bawinung kuih kha
a do hae hawte,
Bawipaw kae Pachia nynh
ngaethya oun umsah makhia,
amaw kha kae do.
Pou Bawipaw , kaening hynh
ngaethya beih oun um sah,
pawccecize myaryamaw oun dothatheih hae.
Mihoi hae nynh saryakunaw te
a lysakuh hae paw nynh
dothatheihkunaw kha kae hiinnaw tuh
myaryamaw a teing vae.