19
Simeon Ram
Ccangningnaw ccungthydungnaw tuh Simeon hanlan te Simeon phin hanlan mih puizia thyhte yn pou; mih hanpaw ram tuh Judah phin kya-e ram lungkhu khe nynh a um. Mih hanpaw ram kya umpaw khua hae tuh Beersheba, Sheba, Moladah,Ref 19.2-8: 1Sh 4.28-33 Hazar-shual, Balah, Ezem, Eltolad, Bethul, Hormah, Ziklag, Beth-markaboth, Hazar-susah, Beth-lebaoth, te Sharuhen—mih khua taraw hae ryte khua haw lae thum acih; Ain, Rimmon, Ether te Ashan—mih khua taraw hae ryte khua pali acih; e khua hae po voilu lan um hae paw mih khua taraw hae balyn tuh Baalath-beer, Negeb ram e Ramah kyacia. E hynh Simeon phin hae nynh mih puizia thyhte a ccou hae paw ram nynh thua. Simeon phin nynh a ccoupaw ram tuh Judah ram kya a umbua; Judah phin nynh a ccoupaw ram tuh mih hanlan eih ale keiccuze mih ram lungkhu khe Simeon phin nynh ram kha a ccoubua hae.
Zebulun Ram
10 Ccangthumnaw ccungthydungnaw tuh Zebulun phin hanlan mih puizia thyhte yn pou. Mih ramri tuh Sarid kyacia a thua; 11 te mih ramri tuh niccaw langkhe cceihthung zah Maralah lang po a cceih, Dabbesheth kha tung zah Jokneam nithua lang umpaw vaw kalan a cceih; 12 te ramri tuh Sarid kyate nithua lang cceih zah Khisloth-tabor ramri cia a thua; tuin kyate Deberath lang cceih zah Jafia cia a cceihthung; 13 tuin kyate nithua langkhe po cceih zah Gath-hefer, Eth-kazin kyacia a thua, te Rimmon lang cceih zah Neah langkhe a kouleih; 14 te thahlang ramri tuh Hannathon langkhe maekuh zah Iftah-el accya kya athang; 15 te Kattath, Hahalal, Shimron, Idalah, te Bethlehem—mih khua taraw hae ryte khua haw lae ning acih. 16 E khua hae te mih khua taraw hae tuh Zebulun phin nynh mih puizia thyhte a ccou hae paw ram nynh thua.
Issakhar Ram
17 Ccangpalinaw ccungthydungnaw tuh Issakhar hanlan mih puizia thyhte yn pou. 18 Mih ram kyakhe Jezreel, Khesulloth, Shunem, 19 Hafaraim, Shion, Anaharath, 20 Rabbith, Kishion, Ebez, 21 Remeth, En-gannim, En-haddah te Beth-pazzez khua hae a um hae, 22 ramri tuh Tabor, Shahazumah, te Beth-shemesh kya thua zah, Jordan kya athang—mih khua taraw hae ryte khua haw lae taruh acih. 23 E khua hae te mih khua taraw hae tuh Issakhar phin hae nynh mih puizia thyhte a ccou hae paw ram nynh thua.
Asher Ram
24 Ccangpangawnaw ccungthydungnaw tuh Asher phin hanlan mih puizia thyhte yn pou. 25 Mih ram lungkhu kya Helkath, Hali, Beten, Akhshaf, 26 Allammelek, Amad te Mishal khua hae a um hae; ramri tuh niccaw langkhe Karmel te Shihor-libnath khua cia phe a thua, 27 nithua lang maekuh zah Beth-dagon langkhe cceih zah Zebulun te Iftah-el accya kya a thua, thahlang khe Beth-emek te Neiel lang a cceih; te thahlang po cceih zah Kabul, 28 Ebron, Rehob, Hammon, Kanah te Sidon Lepaw kyacia a thua; 29 te ramri tuh Ramah langkhe maekuh zah akoihkuhpaw Tair khuapi kya a thua; te ramri tuh Hosah lang maekuh zah rili kya athang; Mahalab, Akhzib, 30 Ummah, Afek te Rehob—mih khua taraw hae ryte khua kuin lae ning acih. 31 E khua hae te mih khua taraw hae tuh Asher phin hae nynh mih puizia thyhte a ccou hae paw ram nynh thua.
Naftali Ram
32 Ccangtaruhnaw ccungthydungnaw tuh Neftali phin hanlan mih puizia thyhte yn pou. 33 Mih ramri tuh Helef te Zaanannim kya umpaw phaesi ku, Adami-nekeb te Jabneel kyate tho zah Lakkum cia a thua, te Jordan kya athang; 34 te ramri tuh niccaw langkhe Aznoth-tabor kyacia a maekuh, tuin kyate Hukkok lang cceih zah alia lang umpaw Zebulun a thua, niccaw langkhe Asher, nithua langkhe Judah ram Jordan vawkhu cia a thua. 35 Akoihkuhpaw khua hae tuh Ziddim, Zer, Hammath, Rakkath, Khinnereth, 36 Adamah, Ramah, Hazor, 37 Kedesh, Edrei, En-hazor, 38 Ziron, Migdal-el, Horem, Beth-anath te Beth-shemesh—mih khua taraw hae ryte khua haw lae takua acih. 39 E khua hae te mih khua taraw hae tuh Naftali phin nynh mih puizia thyhte a ccou hae paw ram nynh thua.
Dan Ram
40 Ccangsarinaw ccungthydungnaw tuh Dan phin hanlan mih puizia thyhte yn pou. 41 Mih ram lungkhu kya Zorah, Eshtaol, Ir-shemesh, 42 Shaalabbin, Aijalon, Ithlah, 43 Elon, Timnah, Ekron, 44 Eltekeh, Gibbethon, Baalath, 45 Jehud, Bene-berak, Gath-rimmon, 46 Mejarkon, Rakkon te Joppa te arawsekunaw ram tuh a um hae. 47 Dan phin hae nynh mih ram kha he a shung hae tuh, Leshem khua kha ccianua thung hae zah a tuk hae, tuh-e khua tuh lah hae zah thaloi te a theih kou hae te, tuin kya khua a sah hae; mih minpaaw Dan min kha lah hae zah Leshem khua tuh Dan khua a ci hae.Ref 19.47: Bpt 18.27-29 48 E khua hae te mih khua taraw hae tuh Dan phin hae nynh mih puizia thyhte a ccou hae paw ram nynh thua.
Joshua Rho
49 Israel hae nynh ram patae kha rho lang he a neekuh kou hae te, Nun ccapaw Joshua kha rho a pyabua hae. 50 Joshua nynh a ngiapaw khua, Efraim muaram kya umpaw Timnath-serah khua kha Bawipaw kawpyanaw thyhte a pya hae; aning nynh tuh-e khua tuh raethui zah a umnaw.
51 E hynh ranpibawi Eleazar, Nun ccapaw Joshua te Israel phin hae kyaze puizia hae kya-e cciakhaetu hae nynh Shiloh khua kya Bawipaw malang, tungkunaw bu thuakaw kya ccungthydungte a nee hae paw rho hae nynh thua. Tuhcite ram neekunaw tuh a thangsah hae.