45
Baruk hanlan Lungtangnaw Bya
1 Josiah ccapaw Jehoiakim nynh Judah siapharan lang a tangnaw kum palinaw kum kya, Jeremiah nynh a opya thyhte Baruk nynh e bya hae kha ccakue kya a zei lyaze, profeh Jeremiah nynh Neriah ccapaw Baruk kalan a hopyapaw bya tuh hynhte nynh thua:Ref 45.1: 2Si 24.1; 2Sh 36.5-7; Dan 1.1-2
2 Pou Baruk, Bawipaw , Israel Pachia nynh na kalan hynhte a ho:
3 Nang nynh, “Ka tungvaw ngaethya lan kou um! Ka lungriathaenaw kyakhe Bawipaw nynh ngaethyanaw kha yn biachih; ka hawkhaekunaw khate ka thawbang zah ngaengannaw ka hoi khyh,” na ci.
4 Baruk kha hynhte hopya tua: “Bawipaw nynh a hopaw tuh: Ka sak vae paw kha ka phou cih zah, ka lin vae paw kha poh ka khaee cih—tuh-e tuh e ram pynpi hynh nynh thua.
5 Nang nynh namaw hanlan myarya lepaw uccaw hae kha na ccungku tou? Khah-e hae kha ccungkuh nan; pawccecize ccungccaw balyn tungvaw shethya ka thuasah cih; thuasalama nang tuh na thuanaw miakaw kyakhe na hiinnaw kha rhawtuknaw kya-e lasung hawte kae pya cih, a ci,” cite a cipya.