35
Elihu kyate Seibenaw Bya
1 Elihu nynh po ho zah:
2 “Nang nynh, ‘Pachia malang ka ding,’
na cipaw hynh akyh cite na tua tou?
3 Nang nynh, ‘Paw thanenaw mou ka mue?
Sei leite ka la um zeso
pawmou ka mue cih?’ na ciku.
4 Nang te na ban hae kha
bya kae khungru cih oh.
5 Vaawlui khuh do lah, muihtua;
nang laeze ahang huapaw
maeking hae khuh dotua.
6 Na la sei lanze amaw rawsete
pawmou na cyi kho?Ref 35.6-8: Job 22.2-3
Te na cyiseimenaw alung zemah,
a tungvaw pawmou na cyi kho?
7 Na ding zeso, Pachia kha
pawmou na pya kho?
Aning nynh na kuih kyate
pawmou a mue?
8 Na hoyleinaw nynh namaw tahawpaw
milae kyalya kha a teingsah hae,
na dingnaw nynh mah mingccang hae
kyalya kha thanenaw a pya hae.
9 “Tuaasahkunaw myarya alung keiccuze
ccungccaw hae tuh a siarua hae;
athawsaepaw ccungccaw hae kuih keiccuze
minmin tuh bawmnaw ngiakute
a sia hae.
10 Thuasalama, ‘Yn Raetupaw Pachia,
khuazi kya thawzung yn pyatupaw,
11 laephi vaw e sarangpaw hae laeze
oun ccangpah hua zah,
vaawlang e pavaw hae laeze
ahawhua lante oun raetupaw tuh
teimou a um?’ cite
lu kheit nynh sanmah ho khyh.
12 Minmin tuh hoyleinaw raete
a lysakuh hae paw athua hae keiccuze,
a siarua hae zemah
Pachia nynh khungru khyh hae.
13 Pachia nynh sia huatawpaw kha
thae khyh,
Athunghuapaw nynh khah-e kha
pawlangria khyh.
14 ‘Pachia kha ka muih khyh,’
he na ci vae ze,
na byathan tuh amaw malang
a um keiccuze amaw kha
ngaehoiku tua!
15 Te atu, Pachia thinrianaw nynh
ccungccaw kha detah khyh zah,
cyiseinaw kha thawte pawlang
a ria khyh keiccuze,
16 Job nynh accakaepaw bya kha hote
a khalang kha a aw,
nythyanaw hoi leite