25
Bildad Bya
1 Oute Shuh minphuinpaw Bildad nynh khung zah:
2 “Peenaw kaw te rawrinaw tuh
Pachia kya a um;
a vaawram ahangpaw kya
daenaw kha a rae.
3 A rhawkaw hae kha riatae
a um zawtou?
Pachia awnaw nynh a awnua leipaw
hum san a um zawtou?
4 Tuhte athua ze, ccungccaw tuh
Pachia malang pawtemou
a ding kho cih?
Nopi nynh a saahpaw
ccungccaw tuh pawtemou
athyaa kho cih?
5 Amaw mitmuihnaw kya tuh
sawpaw heize aw khyh zah,
awsi hae heize athyaa khyh hae lanze,
6 zanpaw athuapaw ccungccaw,
tangkaria athuapaw
ccungccaw thathy tuh
holae um vae khyh!” a ci.