5
(1Sh 1.1-4)
Hynh-e hynh Adam ciihan ccazing nynh thua. Pachia nynh ccungccaw kha he a rae tuh minmin kha amaw te a lokuh lante a rae.Ref 5.1-2: Gen 1.27-28 Pise te nopi kha a rae, te hythuapya hae zah minmin a rae nin hae khe “Ccungccaw” cite min a phu hae.Ref 5.2: Mat 19.4; Mar 10.6
Adam tuh kum za kheit sung thum he cih tuh amaw muinsan te a lokuh lante ccapaw lu kheit saah zah Seth cite min a phu. Seth a pui koute Adam tuh kum za tarya hiin zah ccangpaw ccapaw hae te ccanung hae kha mah a saah hae. Adam tuh kum za takua sung thum acih te a chih.
Seth nynh za kheit kum pangaw acih te Enosh kha a saah. Enosh a pui koute Seth tuh kum za tarya kum sari hiin zah ccangpaw ccapaw hae te ccanung hae kha mah a saah hae. Seth tuh za takua kum haw lae ning acih te a chih.
Enosh nynh kum sung takua acih te Kenan kha a saah. 10 Kenan a pui koute Enosh tuh za tarya kum haw lae pangaw hiin zah ccangpaw ccapaw hae te ccanung hae mah a saah hae. 11 Enosh tuh za takua kum pangaw acih te a chih.
12 Kenan nynh kum sung sari acih te Mahalalel kha a saah. 13 Mahalalel a pui koute Kenan tuh kum za tarya sung pali hiin zah ccangpaw ccapaw hae te ccanung hae kha mah a saah hae. 14 Kenan tuh za takua kum haw acih te a chih.
15 Mahalalel tuh sung taruh kum pangaw acih te Jared kha a saah. 16 Jared a pui koute Mahalalel tuh kum za tarya sung thum hiin zah ccangpaw ccapaw hae te ccanung hae mah a saah hae. 17 Mahalalel tuh za tarya sung takua kum pangaw acih te a chih.
18 Jared tuh za kheit sung taruh kum ning acih te Enok kha a saah. 19 Enok a pui koute Jared tuh kum za tarya hiin zah ccangpaw ccapaw hae te ccanung hae kha mah a saah hae. 20 Jared tuh za takua sung taruh kum ning acih te a chih.
21 Enok nynh sung taruh kum pangaw acih te Methuselah kha a saah. 22 Methuselah a pui koute Enok tuh kum za thum lungkhu Pachia te a mungkuh hae; te ccangpaw ccapaw hae te ccanung hae kha mah a saah hae. 23 Enok tuh za thum sung taruh kum pangaw cia a hiin. 24 Enok tuh Pachia te a cceihkheih hae; te aning tuh um vae khyh, pawccecize Pachia nynh aning kha a law vae.Ref 5.24: Heb 11.5; Jud 14
25 Methuselah nynh za kheit sung tarya kum sari acih te Lamek kha a saah. 26 Lamek a pui koute Methuselah tuh za sari sung tarya kum ning hiin zah ccangpaw ccapaw hae te ccanung hae mah a saah. 27 Methuselah tuh za takua sung taruh kum takua acih te a chih.
28 Lamek nynh za kheit sung tarya kum ning acih te ccapaw lu kheit a saah; 29 Lamek nynh, “Bawipaw nynh thya a lawpaw laephi kya-e ah ryalaw te ah kuih te lawpaw ryalaw rupaw kyate hynh-e paw nynh thawdangnaw yn pya cih,” cih zah a min tuh Noah cite a phu. 30 Noah a pui koute Lamek tuh za pangaw sung takua kum pangaw hiin zah ccangpaw ccapaw hae te ccanung hae kha mah a saah hae. 31 Lamek tuh za sari sung sari kum sari acih te a chih.
32 Noah tuh kum za pangaw acih te Shem, Ham te Jafeth kha a saah hae.