12
1 Shealtiel’ tapa Zerubbabel leh Jeshua tawh hong ciahkik siampite leh Levi mite in: Seraiah, Jeremiah, Ezra,
2 Amariah, Malluk, Hattush,
3 Shekaniah, Rehum, Meremoth,
4 Iddo, Ginnethoi, Abijah,
5 Mijamin, Ma-adiah, Bilgah,
6 Shemaiah, Jo-i-arib, Jedaiah,
7 Sallu, Amok, Hilkiah, leh Jedaiah-te ahi uh hi. Hihte in Jeshua’ hun lai-in siampite leh a sanggamte uh lakah a ukpite ahi uh hi.
8 Levi mite sung panin: Jeshua, Binnui, Kadmiel, Sherebiah, Judah leh Mattaniah hi a, amah in a sanggamte tawh lungdam kohna late a uk hi. \v 9 Tua ciangin a sanggamte uh Bakbukiah leh Unni in amaute tawh kigal sai-in nasem uh hi.
10 Tua hi a, Jeshua in Joiakim’ pa, Joiakim in Eliashib’ pa, Eliashib in Joiada’ pa,
11 Joiada in Jonathan’ pa, Jonathan in Jaddua’ pa ahi hi.
12 Tua ciangin Joiakim’ hun lai-in beh lutang ahi siampite in: Seraiah’ suante sung panin Meraiah; Jeremaiah suante sung panin Hananiah;
13 Ezra’ suante sung panin Meshullam; Amariah’ suante sung panin Jonathan;
14 Mallukhi’ suante sung panin Johohanan; Shebaniah’ suante sung panin Josef;
15 Harim’ suante sung panin Adna; Meraioth’ suante sung panin Helkai;
16 Iddo’ suante sung panin Zekhariah; Ginnethon’ suante sung panin Meshullam;
17 Abijah’ suante sung panin Zikri; Miniamin’ suante sung panin mi khat; Moadiah’ suante sung panin Piltai;
18 Bilgah’ suante sung panin Shammua; Shemaiah’ suante sung panin Jehonathan;
19 Jo-i-arib’ suante sung panin Mattenai; Jedaiah’ suante sung panin Uzzi; \v 20 Sallai’ suante sung panin Kallai; Amok’ suante sung panin Eber; \v 21 Hilkiah’ suante sung panin Hashabiah; Jedaiah’ suante sung panin Nethanel ahi uh hi.
22 Eliashib, Joiada, Johanan, leh Jaddua-te’ hun lai-a beh lutangte leh siampite ahih leh Persia kumpipa Darias hun ciang dong Khang Tangthu Laibu sungah kiciamteh hi. \v 23 Levi mite beh sung panin beh lutangte pen Eliashib’ tupa Johanan’ hun ciang dong Khang Tangthu Laibu sungah kigelh hi. \v 24 Tua ciangin Levi mi ukpite in: Hashabiah; Sherebiah, Jeshua, Binnui, leh Kadmiel hi uh a, Pasian’ mi David’ thupiakna bangin a ban banin phatna lasa ding leh lungdam ko dingin a sanggamte uh tawh na a sem ding uh ahi hi. \v 25 Mattaniah, Bakbukiah, Obadiah, Meshullam, Talmon, leh Akkubte in vankoihna kongpite a cing kongcingte ahi uh hi. \v 26 Hih in Jozadak’ tapa Jeshua, a tapa Joiakim’ hun leh gam ukpa Nehemiah leh siampi hi-in lai theipa zong ahi Ezra-te’ hun lai-a vaihawmna ahi hi.
27 Tua ciangin amaute in daltuahte, harp lasaknate, laiza lasaknate tawh lungdam ko-in lasa-in lungdamna tawh kulhpi apna a bawl dingin Jerusalem ah hong pai theih nadingun Levi mite a omna khempeuh uhah zong uh hi. \v 28 Tua hi a, Jerusalem kiim leh Netofah mite’ khuaneute panin Levi mi lasate hong kikaikhawm uh hi. \v 29 Bethgilgal khua leh Geba kiimnai leh Beth-azmaveth khua panin zong hong pai uh hi; bang hang hiam cih leh lasate pawl in Jerusalem kiimah amau’ adingin khuaneute sat uh hi. \v 30 Tua ciangin siampite leh Levi mite amau mah kisian’suah tawm uh a, tua khit ciangin mite leh kongpite leh kulhpi sian’suah uh hi.
31 Tua ciangin khuapi kulhzang ah Judah mi uliante ka paipih a, lam pai kawmin lungdamna ko dingin pawl lian nih ka seh hi. Kulhzang panin pawlkhatte taklam manawhin Nin Kongpi lamah pai uh hi. \v 32 Tuate’ nungah Hoshaiah leh Judah uliante kimkhat, \v 33 leh Azariah, Ezra, Meshullam, \v 34 Judah, Benjamin, Shemaiah, leh Jeremiah, \v 35 leh siampi pawlkhat peengkul tawh: Asaf tapa Zakkur, a tapa Mikaiah, a tapa Mattaniah, a tapa Shemaiah, a tapa Jonathan, a tapa Zekhariah, \v 36 leh ama behte Shemaiah, Azarel, Milalai, Gilalai, Ma-ai, Nethanel, Judah, Hanani-te, Pasian’ mi David’ lasakna nate tawh pai uh a, tuate lakah lai theipa Ezra masa hi. \v 37 Tuinak Kongpi panin kulh kahtohna David khuapi kahlei ah paito-in, David’ inn khengin nisuahna lam manawhin Tui Kongpi dongah pai uh hi.
38 Lungdamna a ko a pawl dang khat pen veilam manawhin pai uh a, mi a kimkhat tawh amaute ka zui hi. Kulh tungah pai-in Meikhuk Tausang pan Kulh Zai-ah, \v 39 tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel’ Tausang, tua ciangin Mi Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi. \v 40 Tua hi a, lungdamna a ko hih pawl nihte, Pasian’ innah ding uh a, uliante kimkhat leh kei ka omkhawm uh hi. \v 41 Tua ciangin siampi Eliakim, Ma-aseiah, Miniamin, Mikaiah, Elio-enai, Zekhariah, leh Hananiahte a peengkulte uh tawh om uh a, \v 42 Maaseiah, Shemaiah, Eleazar, Uzzi, Jehohanan, Malkhijah, Elam, leh Ezer zong om uh hi. Tua hi a, Jezrahiah makai-in lasate in lasa uh hi. \v 43 Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.
44 Tua ciangin khuapite kiimah lo omte a golna leh a neuna tawh kizui-in siampite leh Levi mite’ adingin thukham sunga om bangin a kaihkhop ding uh a kipia nate, anpalte, leh sehsawm suah sehkhatte a koih nading uh vankoihna innte a uk dingin mi kiseh hi; bang hang hiam cih leh siampite leh Levi mite’ nasepna hangin Judah mi khempeuh lungdam mahmah uh hi. \v 45 Tua hi a, David leh a tapa Solomon’ thupiakna tawh kizui-in lasate leh kongcingte mah bangin amaute in amau’ Pasian’ nasepte leh sian’suah nasep sem uh hi. \v 46 Bang hang hiam cih leh David’ hun lai-in lasate a ukpi leh phatna leh Pasian tungah lungdam kohna a makai-in Asaf om hi. \v 47 Zerubbabel leh Nehemiah’ hun lai-in Israel mite khempeuh in lasate leh kongcingte’ adingin a nisim tanh uh pia uh hi; tua ciangin amaute in Levi mite’ ading tuam koih uh hi; tua ciangin Levi mite in Aaron’ suante ading tuam koih sawn leuleu uh hi.