11
1 Tua ciangin Jerusalem ah mi makaite teeng uh hi; tua lo midang teng, amau’ lak pan mi sawm-ah khat, khuapi siangtho Jerusalem ah a teeng dingin aisaanna tawh kiteel uh a, a om lai mi sawm-ah kuate ahih leh khuapi dangte ah om uh hi.
2 Tua hi a, sawl lohin, Jerusalem ah amau thu-in a teeng tawm nuam khempeuhte tungah mite lungdam uh hi.
3 Hih anuai-ate in Jerusalem-a a teeng a uksawn ukpite ahi hi; ahi zongin Judah khuapi dangte ah Israel midangte, siampite, Levi mite, biakinn nasemte, leh Solomon’ nasemte’ suan leh khakte teeng uh a, amau’ neihsa, a khuapi ciat uhah teeng uh hi. \v 4 Judah minam leh Benjamin minam sung panin mi pawlkhat zong Jerusalem ah teeng uh hi. Judah minam sung panin: Perez’ suan Mahalalel, a tapa Shefatiah, a tapa Amariah, a tapa Zekhariah, a tapa Uzziah, a tapa Athaiah’ suante, \v 5 leh Shelah’ suan Zekhariah, a tapa Jo-i-arib, a tapa Ada-iah, a tapa Hazaiah, a tapa Kolhozeh, a tapa Baruk, a tapa Ma-aseiah’ suante ahi uh hi. \v 6 Jerusalem ah a teeng Perez’ suante khempeuh in galhang mi za li leh sawmgiat-le-giat pha uh hi.
7 Benjamin minam sung panin: Jeshaiah’ tapa Ithiel, a tapa Ma-aseiah, a tapa Kolaiah, a tapa Pedaiah, a tapa Joed, a tapa Meshullam, a tapa Sallu’ suante, \v 8 leh a beh Gabbai leh Sallai hi uh a, mi za kua leh sawmnih-le-giat pha uh hi. \v 9 Zikri’ tapa Joel in amau’ mapi hi a, Hassenuah’ tapa Judah in khuapi uk a nihnapa ahi hi.
10-11 Siampite’ sung panin: Pasian’ inn a uk Ahitub’ tapa Meraioth, a tapa Zadok, a tapa Meshullam, a tapa Hilkiah, a tapa Seraiah, a tapa Jo-i-arib, a tapa Jedaiah
12 leh inn nasep a sem a behte hi uh a, mi za giat leh sawmnih-le-nih pha uh hi; tua ciangin Malkhijah’ tapa Pashhur, a tapa Zekhariah, a tapa Amzi, a tapa Pelaih, a tapa Jeroham, a tapa Ada-iah,
13 leh beh lutang ahi a beh dangte hi a, za nih leh sawmli-le-nih pha uh hi; tua ciangin Immer’ tapa Meshillemoth, a tapa Ahzai, a tapa Azaral, a tapa Amashai,
14 leh a thahat a vanglian a behte hi a, mi za khat leh sawmnih-le-giat pha uh hi; Haggedolim’ tapa Zabdiel in amau’ mapi ahi hi.
15 Levi mite sung panin: Bunni’ tapa Hashabiah, a tapa Azrikam’ tapa Hashub’ tapa Shemaiah,
16 leh Pasian’ inn pualam nasep a uk, Levi mi ukpite ahi Shabbethai leh Jozabad,
17 leh lungdam koh thungetna patkhiat ding a makai Asaf, a tapa Zabdi, a tapa Mika, a tapa Mattaniah, leh a sanggamte lakah a nihna ahi Bakbukiah, leh Jeduthun’ tapa Galal, a tapa Shammua, a tapa Abda’ suante beh ahi uh hi.
18 Khuapi siangtho sunga Levi mi a om khempeuh mi za nih leh sawmgiat-le-li pha uh hi.
19 Kongpite a vil kongcingte in Akkub, Talmon leh a behte hi uh a, mi za khat leh sawmsagih-le-nih pha uh hi. \v 20 A om lai Israelte, siampite leh Levi mite ahih leh Judah khuapi dangte ah om uh a, amau’ luah leitang ciatah teeng uh hi. \v 21 Ahi zongin biakinn nasemte ahih leh Ofel mualbo-ah teeng uh a, Ziha leh Gishpa in amaute uk uh hi.
22 Jerusalem a, Levi mite ukin Pasian’ inn nasepna a vaanpa in Mika’ tapa Mattaniah, a tapa Hashabiah, a tapa Bani, a tapa Uzzi hi a, amah in lasa Asaf’ suante sung pan ahi hi. \v 23 Tuate beh in kumpipa’ thupiakna tawh nasem uh a, tua lasate in ni simin na a sep ding uh kisam hi. \v 24 Tua ciangin Judah’ tapa Zerah, a tapa Meshezabel, a tapa Pethahiah in mite tawh kisai thu khempeuh ah kumpipa zatpen ahi hi.
25 Khuaneute leh a kiim-a lote tawh kisai-in: Judah mi pawlkhatte’ teenna in, Kiriath-arba leh a khuaneute, Dibon leh a khuaneute, Jekabze-el leh a khuaneute, \v 26 Jeshua, Moladah, Bethpelet, \v 27 Hazarshual, Be-ersheba leh a khuaneute, \v 28 Ziklag, Mikonah leh a khuaneute, \v 29 Enrimmon, Zorah, Jarmuth, \v 30 Zanoah, Adullam, a khuaneute uh, Lakhish leh a lote, Azekah leh a khuaneute ahi hi. Tua hi a, amaute in Be-ersheba panin Hinnom Kuam dongah teeng uh hi. \v 31 Tua ciangin Geba, Mikmash, Aija, Beth-el leh a khuaneute, \v 32 Anathoth, Nob, Ananiah, \v 33 Hazor, Ramah, Gittaim, \v 34 Hadid, Zeboim, Neballat, \v 35 Lod, Ono, leh Geharashim khuate-ah Benjamin mite teeng uh hi. \v 36 Tua ciangin Judah gam a, Levi mite pawlkhat Benjamin gamah kigawm hi.