8
1 Kumpi Artakzaksis’ uk hun sungin Babilon panin kei tawh hong ciahto khawm a behbeh-in a kiciamteh beh lutangte in:
2 Finehas-te panin Gershom ahi hi. Ithamar-te beh panin Daniel ahi hi. David-te beh panin Shekaniah’ tapa Hattush ahi hi.
3 Parosh-te beh sung panin Zekhariah hi a, amah tawh pasal zakhat leh sawmnga kiciamteh hi.
4 Pahathmoab-te beh panin Zerahiah’ tapa Elieho-enai hi a, pasal zanih tawh ahi hi.
5 Zattu-te beh panin Zahaziel’ tapa Shekaniah hi a, pasal zathum tawh ahi hi.
6 Adin-te beh panin Jonathan’ tapa Ebed hi a, pasal sawmnga tawh ahi hi.
7 Elam-te beh panin Athaliah’ tapa Isaiah hi a, pasal sawmsagih tawh ahi hi.
8 Shefatiah-te beh panin Mikhael’ tapa Zebadiah hi a, pasal sawmgiat tawh ahi hi.
9 Joab-te beh panin Jehiel’ tapa Obadiah hi a, pasal zanih leh sawm-le-giat tawh ahi hi.
10 Bani-te beh panin Josifiah’ tapa Shelomith hi a, pasal zakhat leh sawmguk tawh ahi hi.
11 Bebai-te beh panin Bebai’ tapa Zekhariah hi a, pasal sawmnih-le-giat tawh ahi hi.
12 Azgad-te beh panin Hakkatan’ tapa Johanan hi a, pasal zakhat leh sawmkhat tawh ahi hi.
13 A nunung penin Adonikam-te beh pan hi a, amaute’ min in: Elifelet, Jeiel, leh Shemaiah hi uh a, pasal sawmguk tawh ahi uh hi.
14 Bigvai-te beh panin Uthai leh Zabbud hi uh a, pasal sawmsagih tawh ahi uh hi.
15 Ahava gam lamah lui gei khatah amaute ka khawm a, tua lai-ah ni thum ka taam uh hi. Mite leh siampite ka etphat ciangin Levi mite khat zong na om lo hi.
16 Tua ahih ciangin a lawmte lakah a makai Eliezer, Ariel, Shemaiah, Elnathan, Jarib, Elnathan, Nathan, Zekhariah, leh Meshullamte, leh thu ngaihsut a siam Jo-i-arib leh Elnathante ka sam a,
17 Kasifia mun a, a makaipipa Iddo kiangah va pai-in, tua lai-a biakinn nasem amah leh a behte in, eite’ Pasian’ inn-a na a sem ding mihing hong puak ding uh a ngen dingin ka sawl hi.
18 Tua hi a, hehpihna a nei eite’ Pasian in hong ompih ahih manin Levi mi Mahli-te beh sung panin thu ngaihsut siam mi ahi Sherebiah, a tapate leh a behte tawh pasal sawm-le-giat,
19 leh Merari-te beh panin Isaiah, a behte leh amau’ tapate mi sawmnih leh Hashabiah tawh, \v 20 leh Levi mite’ na a sem dingin David leh a uliante in a tuamkoih ahi biakinn nasem zanih leh sawmnih hong pia hi. Hih mite khempeuh amau’ min ciat tawh a kisam ahi hi.
21 Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi. \v 22 Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi. \v 23 Tua hi a, kote in an ka tang uh hi; nuamtak-a ka khualzin theih nading uh i Pasian tungah ka ngen uh a, amah in ka thungetna uh hong pia hi.
24 Tua ciangin siampi liante sung panin, mi sawm-le-nih, leh Sherebiah, Hashabiah, leh amau’ behte mi sawm, ka tuam koih hi. \v 25 Tua ciangin, i Pasian’ inn nasep nadingin kumpipa leh a thulamlakte leh a uliante leh tua lai-a om Israel mi khempeuh in a tuam khenkhiat uh ngun leh kham leh um-le-beelte, amaute tungah ka ap hi. \v 26 Amaute tungah ngun talen zaguk leh sawmnga, talen nih a gik ngun tawh kibawl um-le-beel zakhat, kham talen zakhat, \v 27 kham darik tulkhat a man tawh kibawl kuang-uk sawmnih, leh kham zah-a a manpha sumsan hoih tawh a kibawl beel nih ka pia hi. \v 28 Tua ciangin amaute kiangah, “Topa tungah note hong ki-ap hi; um-le-beelte zong biakna vante ahi hi; ngun leh khamte ahih leh na pu na pate uh Pasian ahi Topa tungah citna tawh a kipia na ahi hi. \v 29 Siampi liante leh Levi mite leh Israel mi leh lutangte’ muh-in Jerusalem khua a, Topa’ inndei sungah na piak dong mateng uh vilin kem un,” ka ci hi. \v 30 Tua ahih manin siampite leh Levi mite in Jerusalem a, i Pasian’ inn ah puak dingin ngun leh kham leh um-le-beelte hong sang uh hi.
31 Tua ciangin Jerusalem zuan dingin kha masa a ni sawm-le-nih ni-in Ahava lui panin ka dingkhia uh hi; i Pasian in eite hong ompih ahih manin lam kal-ah galte leh pan’simna a tuamtuamte tawh hong kipelhsak hi. \v 32 Jerusalem khua ka tun’ uh ciangin ni thum sung ka tawlnga uh hi. \v 33 A ni li ni-in Uriah’ tapa siampi Meremoth’ tavuan lakna tawh i Pasian’ inn sungah ngun leh kham leh um-le-beelte kiseng hi; Finehas’ tapa Eleazar in amah huh a, Levi mi Jeshua’ tapa Jozabad leh Binnui’ tapa Noadiah in amau tegel huh uh hi. \v 34 Vante a ki-ap ciangin lim takin kivel a, a ki-ap na khempeuh ciamtehna lai khat kibawl hi.
35 Tua ciangin salsuahna panin inn hong zuankik mite in Israelte khempeuh’ adingin Israel Pasian’ tungah meihal biakna-in bawngtal sawm-le-nih, tuutal sawmkua-le-guk, tuuno sawmsagih-le-sagih, leh mawhna hanga biakna-in keeltal sawm-le-nih pia uh hi; hihte khempeuh pen Topa tungah meihal biakna ahi hi. \v 36 Amaute in, Eufrates Gungal gam sung tenga kumpipa’ nuai-ah a uk sawn a lianpente leh uliante tungah kumpipa’ thupiaknate zong va gen uh hi; tua hi a, amaute in mite leh Pasian’ innlam nasep huh uh hi.