3
Kamsangpa in Siampi Lianpen pa Joshua A Muhna
Topa in maang hong musak a, Topa’ vantungmi mai-ah siampi lianpen pa Joshua’ mawhna a zong dingin a kiangah Satan zong a om ka mu hi.Ref 3:1 Ezr 5:2; Mang 12:10. Topa’ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteen khia singkhuah tawh kibang hi,” a ci hi.Ref 3:2 Jude 9.
Joshua ahihleh vantungmi mai-ah dinga, puan a nin mahmah a silh hi. Vantung mi in ama sawltak van midangte kiangah, “Hih mipa’ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paihkhiatsak khin a, tu-in na silh dingin puan thak kong pia ding hi,” a ci hi.
Tua ciangin a sawltak van mite thu pia a, Joshua’ lu tungah dial siangtho a khipsak ding uh a sawl hi. Topa’ vantungmi tua munah a din sung mahin, amaute in zong Joshua, dial siangtho khimsakin, tua khit ciangin puan siangtho zong a silhsak uh hi.
Tua ciangin Topa’ vantungmi in Joshua kiangah limtakin thu gen a, Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk dinga, hih ka kiang a om vantung mite’ thu ka ngaih bangin nangma thu zong ka hong ngai ding hi. Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.Ref 3:8 Jer 23:5; 33:15; Zek 6:12. Joshua’ omna mai-ah, mai sagih a nei suang khat ka koih hi; tua suang tungah lai ka gelh dinga, ni khat sungin hih gammite’ mawhna ka paihkhiatsak ding hi. 10 Tua ni ciangin note khempeuh in leenggui le theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglian Topa in ci hi,” a ci hi.Ref 3:10 Mik 4:4.