8
Ciamtehna Sagihna le Kham Paknamtui Kuang
Tuuno in ciaptehna sagihna a hon ciangin vantungah nai lang sung bang kidai dide hi. Tua ciangin Pasian mai-ah a ding vantungmi sagihte ka mu a, amaute tungah peengkul sagih a kipia hi. Tua ciangin kham kibawl paknamtui kuang a tawi vantungmi adang khat hong pai-in biakna tau mai-ah a ding hi. Pasian’ mite in thungetna-in a zat paknamtuite tawh hal beh ding le tokhom mai-ah a om kham kibawl biakna tau tungah piak dingin amaute tungah paknamtui tampi tak a kipia hi.Ref 8:3 Amos 9:1; Pai 30:1,3 Pasian’ mai-ah a ding vantung mipa’ khut sung panin paknamtui khu le Pasian’ mite’ thungetna van lam manawhin kizialto hi. Tua ciangin tua vantungmi in paknamtui kuang la a, biakna tau panin mei-am la-in a sungah a koih khit ciangin leitungah lawnsuk a, nakpitakin van gingin zin liing a, khua phia-in keek a kia hi.Ref 8:5 Siam 16:12; Ezk 10:2; Pai 19:16; Mang 11:19; 16:18
Peengkulte
Tu-in peengkul sagih a tawi vantungmi sagihte a peengkul uh a tum dingin hong kithawi uh hi.
A masa vantungmi in a peengkul hong tum a, gialpi le mei, sisan tawh kihelin leitungah a kiasuk hi. Leitung sehthumsuah sehkhat le lopa hing sehthumsuah sehkhat a kaangtum hi.Ref 8:7 Pai 9:23-25; Ezk 38:22
A nihna vantungmi in a peengkul hong tum a, mual lianpi tawh a kibang, mei in kaangin a kuang zuazua khat, tuipi sungah kilawnsuk hi. Tuipi sehthumsuah sehkhat sisan suakin, tuipi sunga om ganhingte sehthumsuah sehkhat si a, teembaw sehthumsuah sehkhat a kisia hi.
10 A thumna vantungmi in a peengkul hong tum a, vantung panin aksi lian khat meikuang bangin hong kiasukin gunte le tuinakte sehthumsuah sehkhat tungah a tu hi.Ref 8:10 Isa 14:12 11 Tua aksi a min Gamsai hi a, tui sehthumsuah sehkhat gamsai tui suak a, tua tui khasak ahih manin a dawn mi tampi tak a si uh hi.Ref 8:11 Jer 9:15
12 A lina vantungmi in a peengkul hong tum a, ni sehthumsuah sehkhat kisatkhia-in, kha zong sehthumsuah sehkhat mah kisat khia a, aksi zong sehthumsuah sehkhat mah kisat khia ahih manin a taanna uh sehthumsuah sehkhat ciat a bei hi. Sunin hun sehthumsuah sehkhat tang khua vak lo a, zanin zong hun sehthumsuah sehkhat tang mah kha le aksi taang lo hi.Ref 8:12 Isa 13:10; Ezk 32:7; Joel 2:10, 31; 3:15
13 Tua ciangin ka khuadak leh vankim lai-ah muvanlai khat a leenkawmin nakpi-in ham a, “Vantung mi adang thumte in a hong tum lai ding peengkulte hangin leitungah a teeng mi tungah gimna, gimna, gimna lianpi hong tung ding hi,” a cihna ka za hi.