6
Ciamtehnate
Tua ciangin Tuuno in tua ciaptehna sagih sung panin khat a hon khiat ka mu hi. Tua laitakin ganhing lite sung panin khat in vanging bangin nakpitakin, “Hong pai in,” a cihna ka za hi. Ka khuadak leh sakol kang khat hong pai a, a tungah a tuang pa in thal khat a tawi hi. Ama tungah lukhu khat kipia a, a gualzo pa hihna tawh a gualzo dingin a kuan khia hi.Ref 6:2 Zek 1:8; 6:3,6
Ciamtehna a nihna a hon ciangin ganhing a nihna in, “Hong pai in,” a cihna ka za hi. Sakol a ausan khat hong pai a, mite khatlekhat a kithah theih nadingun a sakol tung tuang pa in leitungah galkidona a piansak theih nading vangliatna kipia a, ama tungah namsau lian mahmah khat zong kipia lai hi.Ref 6:4 Zek 1:8; 6:2
Ciamtehna a thumna a hon ciangin ganhing a thumna in, “Hong pai in,” a cihna ka za hi. Sakol vom khat hong pai ka mu a, a tungah a tuang pa in a khutah tawitehna a tawi hi.Ref 6:5 Zek 6:2,6 Tua ganhing lite lak panin awging bang khat ka za a, “Mangbuh lawhta khat in ni khat tha man a, mangbuhham lawhta thum in ni khat tha mah man hi. Ahi zongin oliv huan le leenggui huan susia kei in,” a ci hi.
Ciamtehna a lina a hon ciangin ganhing a lina in, “Hong pai in,” a cihna ka za hi. Ka khuadak leh sakol puang khat ka mu a, a tungah a tuang pa’ min pen Sihna hi a, a nungah Hell in a zui hi. Amaute in namsau, kialpi, pulnatna le gamsate tawh leitung mi sehlisuah sehkhat a thah theih nadingun thu a kipia hi.Ref 6:8 Ezk 14:21
Ciamtehna ngana a hon ciangin Pasian’ thu a genna hang le Pasian’ thu citakin teci a panna uh hangin a kithat mite’ kha, biakna tau nuai-ah a om ka mu hi. 10 Amaute nakpitakin kiko uh a, “A thuman, a siangtho, a Vanglian Topa aw, leitungah a omlai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi. 11 Tua ciangin amaute tungah puantualpi a kang khat ciat kipia a, amaute a kithah mah bangin a kithat lai ding a naseppihte uh le a sanggamte uh a kim matengin tawlkhat sung a tawlngak lai nading uh kigen hi.
12 Ciamtehna gukna a hon ciangin ka khuadak le nakpitakin zin hong liing a, ni pen puanvom bangin hong vomin, kha pen sisan bangin a hong san hi.Ref 6:12 Mang 11:13; 16:18; Isa 13:10; Joel 2:10, 31; 3:15; Mat 24:29; Mrk 13:24-25; Luk 21:25 13 Aksite ahihleh huihpi in theipuam a mutkhiat bangin van panin kia zaizai uh hi. 14 Laidal a kizial bangin vanpi kizialin mai mang a, mual le tuikulhte khempeuh a omna uh panin maimangta hi.Ref 6:13-14 Isa 34:4 Ref 6:14 Mang 16:20 15 Tua ciangin leitung kumpite le miliante, galkapmaangte, mihaute le mi vangliante, silate le sila ahi lote a kipanin a kuamah peuh, mual tunga leihawmte sungah bu uh a,Ref 6:15 Isa 2:19, 21 16 mualte le suangtum lianpite kiangah, “Kote tungah hong kiasuk unla, tokhom tungah a tupa’ maitang le Tuuno’ hehna panin kote hong liah un.Ref 6:16 Hos 10:8; Luk 23:30 17 Amaute’ hehna hangin gimna hun hong tungta ahih manin kua in thuakzo ding ahi hiam?” a ci uh hi.Ref 6:17 Joel 2:11; Mal 3:2