21
Van Thak le Lei Thak
Tua ciangin van thak khat le lei thak khat ka mu hi. Van masa le lei masa mai mang khin a, tuipi zong om nawn lo hi.Ref 21:1 Isa 65:17; 66:22; 2Pe 3:13* Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.Ref 21:2 Isa 52:1; Mang 3:12; Isa 61:10* Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih dinga, amaute pen ama mite hi ding uh hi. Pasian mahmah amaute tawh omkhawm dinga, amah pen amaute’ Pasian hi ding hi.Ref 21:3 Ezk 37:27; Siam 26:11, 12* Amaute’ mit panin khitui khempeuh nulsak ding hi. Thu luisate mai mang khinta ahih manin sihna, dahna le na sa-a kahna cihte om nawn lo ding hi,” a ci hi.Ref 21:4 Isa 25:8; 35:10; 65:19*
Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai-ah gelh in,” hong ci lai hi. Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.Ref 21:6 Isa 55:1* A gualzo mi khempeuh in kei tung panin a ngah ding thu in: Kei pen amaute’ Pasian ka hi dinga, amaute keima ta ahi ding uh hi.Ref 21:7 2Sam 7:14; La 89:26-27* Ahi zongin a meidawite, a lehtatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphualpi kuang sung ahi hi,” a ci hi.
Jerusalem Khua Thak
Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak kong lak ding hi,” hong ci hi. 10 Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong paisuk Khuapi Siangtho ahi Jerusalem khua a hong lak hi.Ref 21:10 Ezk 40:2* 11 Tua khuapi pen Pasian’ vang tawh tee ziazua a, Jasper suangmanpha bangin taang a, Kristal suangmanpha bangin siang kilkel hi. 12 A kulh sahin sang mahmah a, kulhkongpi sawm le nih nei-in, a kongpite-ah vantungmi sawm le nih om a, a kulhkongpite tungah Israel minam sawm le nihte’ min kigelh hi. 13 Nisuahna lamah kongpi thum, leilu lamah thum, leitaw lamah thum, nitumna lamah thum mah om hi.Ref 21:12-13 Ezk 48:30-35* 14 Tua khuapikulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihte’ min kigelh hi.
15 Keima kiangah thu a hong gen vantungmi in tua khuapi, a kulhkongpite le a kulh a teh nadingin kham kibawl tehna ciang khat a nei hi.Ref 21:15 Ezk 40:3* 16 Tua khuapi a pang kikim linlian a, a dung a vai a kikim ahi hi. A ciang tawh khuapi a teh ciangin tai tul le zanga bang pha a, a dung, a vai le a sanna kikim hi. 17 A kulhpi zong ama zat tehna tawh a teh ciangin pi zanih sawmkhat guk a sang hi. 18 A kulhpi dingin jasper suangmanpha kiciang a, a khua sung pen kham citak tawh a kibawl hi a, limlang bangin siang kilkel hi. 19 Tua khuapi kulh suangtawphahte pen suangmanpha namkim tawh kizem hi. A masa-in jasper suangmanpha, a nihna-ah sapfira suangmanpha, a thumna-ah agate suangmanpha, a lina-ah emerald suangmanpha, 20 a ngana-ah onik suangmanpha, a gukna-ah karnelian suangmanpha, a sagihna-ah khrisolait suangmanpha, a giatna-ah beryl suangmanpha, a kuana-ah topaz suangmanpha, a sawmna-ah khrisoprase suangmanpha, a sawm le khatna-ah jakinth suangmanpha, a sawm le nihna-ah amethyst suangmanpha tawh a kizem hi. 21 A kongpi sawm le nihte kep sawm le nih tawh a kibawl hi a, kongpi khat ciangin kep sabit khat ahi hi. A khuapi sung lampite kham citak vive hi a, limlang bangin a sung kimu paisuak thei hi.Ref 21:18-21 Isa 54:11-12*
22 A Vanglian Topa Pasian le Tuuno pen khuapi biakinn hita ahih manin tua khua sungah biakinn dang ka mu kei hi. 23 Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.Ref 21:23 Isa 60:19-20* 24 Tua a taang sungah leitung mite lam pai ding uh a, leitung kumpite in a neihsa khempeuh uh hong paipih ding uh hi.Ref 21:24 Isa 60:3* 25 Zan khuamial hun cih om lo ding ahih manin kulhkongpite khak hun cih om loin a tawntungin kihong paisuak ding hi. 26 Leitung mite’ hauhna le liatna teng tua khuapisung hong kitunpih ding hi.Ref 21:25-26 Isa 60:11* 27 Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.Ref 21:27 Isa 52:1; Ezk 44:9*