LATE 98
Pasian’ Thumanna Phat ding
Amah in na lamdangte
bawl ahih manin
Ama khut taklam le
ama khut siangthote in
amah gualzosak hi.
2
kitheisak khinzo a,
amah in minamte’ muhna-ah
ama thumanna langsak khin hi.
Amah thutakin,
it tawntungna nei ahih manin
Israel-te tungah a thuciamna
a tungsak hi.
Leitung mi khempeuh in
eite’ Pasian’ gualzawhna mu khinta uh hi.
 
Leitung mi khempeuh aw,
lungdamin awng khia unla,
phatna la sa un.
Laia lasakna tawh
laiza lasakna le
la ngaih tawh phat un.
Peengkulte le saki aw tawh
lungdamna gingsak un.
 
Tuipi le a sunga omte khempeuh aw,
awng unla,
leitung le a tunga teng khempeuhte aw,
la sa un.
8-9 Gunte aw, na khut uh beeng un.
Mualte aw, Topa’ mai-ah lungdamin
la sa un.
Bang hang hiam cih leh
leitung a uk dingin amah hong pai ta a,
thumanna tawh leitung mite’ thu
ahi ding bangin hong khen ding hi.