LATE 90
BU LINA
Pasian Khansau, Mi Khantom
1 Topa aw, khang tawntungin
kote’ omna mun na hi hi.
2 Mual liante a kipiansak ma,
leitang le leitung na bawl ma pek,
a tawntung a kipan
a tawntung dongin Pasian na hi hi.
3 Mi, leivui na suaksakkik a,
“Mihingte aw, ciahkik un,” na ci hi.
4 Bang hang hiam cih leh
nangma muhna-ah
kum tulkhat a bei ciangin
zanni ahi a, zan ihmut laitakin
khanlawh khat sung tawh ahi zongin
a kibang bek hi.Ref 90:4 2Pe 3:8.
5 Nangmah in mite na phiat khia hi.
Amaute pen a ihmu tawh kibang uh a,
zingsangin a nokik
lopa tawh kibang uh hi.
6 Zingsangin palhin thaksuakkik a,
nitak ciangin vulin a keu uh hi.
7 Bang hang hiam cih leh
nangma sinsona in kote hong susia a,
na hehluatna in
kote hong lausak gawp hi.
8 Nangmah in ka mawhnate uh
na mai-ah na koih a,
ka khialh simnate uh
9 Bang hang hiam cih leh
ka hun khempeuh uh na hehna-in bei a,
ka nuntak hun uh
husan khat bangin a bei hi.
10 Kote’ nuntak sung
kum sawmsagih bang hi a,
cidam le-ung
kum sawmgiat bang hithei hi.
Ahih hangin tua hunsung nangawn
gimna le haksatna hi a,
tua hunte bei pakin
11 Nang hong kizahtak nadingin
na sinsona’ vangliatna kua in thei a,
na hehna’ husiatna
kua in thei ahi hiam?
12 Tua ahih ciangin pilna lungsim
ka ngah theih nadingun
ka nuntak hun uh a tomlam
ka theih nadingun hong hilh in.
13 Topa aw, hong kiheikik in.
Bang tan sauvei ding hiam?
Na nasemte hong hehpih in.
14 Ka nuntak tawntung uh
lungdamin ka kipak theih nadingun
zingsangin na itna kip tawh
kote hong lungkimsak in.
15 Kote nong gimsak ni zah,
siatna ka thuak uh kum phazah mah,
kote hong kipaaksak in.
16 Na nasemte tungah na nasepna,
a tate uh tungah na minthanna,
na vang hong kilangsak in.
17 Kote’ Topa Pasian aw, kote tungah
na thupha hong tungsak inla,
kote’ nasepna khempeuh
hong tangtungsak in.