LATE 80
Israel-te A Ngei A Batsakkik ding Ngetna
1 Tuuhon bangin Josef a paipih,
Israel Tuucingpa aw, ngai in!
Kherub tungah a tupa aw,Ref 80:1 Pai 25:22.
2 Efraim, Benjamin le
Manasseh’ mai-ah taang khia in!
Na tha saan inla,
kote a hon khia dingin
3 Ka ngei uh hong bangsakkik in,
Pasian aw.
Kote khempeuh
hong kihotkhiat theih nadingin
na maitang hong taangsak in.
4 Vanglian Topa Pasian aw,
na mite’ thungetna-ah bang tanvei
sinso niloh ding na hi hiam?
5 Nangmah in a an dingun
amaute tungah khitui na pia a,
amaute’ dawn dingin
khitui tampi na pia hi.
6 Nangmah in,
ka veengte uh’ thusim lohin
kote na hong bawl a,
ka galte un hong thusim loin
7 Ka ngei uh hong bangsakkik in,
Vanglian Pasian aw.
Kote khempeuh
hong kihotkhiat theih nadingin
na maitang hong taangsak in.
8 Nangmah in Egypt panin
leenggui khat na la a,
minam dangte hawl khia-in,
tua leenggui na suan hi.
9 Nangmah in tua leenggui adingin
leitang na hahsiang a,
amah in zungthuk kha-in
gam sung a dim hi.
10 Ama liim in mual liante
hoihtakin liimsun a,
a hiang in taamtak sing liante
hoihtakin khuh a,
11 tuipi lamah a hiangte zamin,
a dawnngekte in
Gunpi lam a zuan hi.
12 Tua ahih ciangin,
lampi-ah a pai mi khempeuh in
a gah a lawh theih nadingin,
bang hangin nangmah in
a daigawl suvang na hi hiam?
13 Gamlak a om ngal in susia gawp a,
zangsung sa khempeuh in
14-15 Hong kiheikik in,
Vanglian Pasian aw.
Vantung panin
hong ensukin hong mu in.
Na khut taklam in a suansa,
hih leenggui hong don in.
16 Amaute in mei tawh halin
sattan gawp uh hi.
Amaute heh et inla, susia gawp in.
17 Ahih hangin nangma adingin
na hatsak mi’ tapa,
na taklama om mipa tungah
na thahatna guan in.
18 Tua ciangin nang kiang panin
ka kiheikik nawn kei ding uh hi.
Kote hong nungtasak in,
nang kong phat ding uh hi.
19 Ka ngei uh hong bangsakkik in,
Vanglian Topa Pasian aw.
Kote khempeuh
hong kihotkhiat theih nadingin
na maitang hong taangsak in.