LATE 75
Pasian in Thu a Manin A Khenna
1 Pasian aw, nangma tungah
ka lungdam mahmah uh a,
nangma tungah
ka nuam mahmah uh hi.
Nangma liatna thu ka gen uh a,
a lamdang na bawlnate
2 A hun ka sehsa ni ciangin
thu a manin ka khen ding hi.
3 Leitung le
a tunga teengte khempeuh
a kilin ciangin
a khuampite a kipsak pa
keimah ka hi hi.
4 A kiphasakte tungah,
“Kiphasak kei un,”
a gilote tungah, “Kihisak kei un.
5 Kihisak kei unla, kiphatsakna tawh
kampau kei un,” ka ci hi.
6 Bang hang hiam cih leh
vangliatna pen nisuahna
lam ahi a, nitumna lam ahi a,
gamlak pan ahi zongin
a hong pai hi lo hi.
7 Mihing khat a sangsak,
mihing khat a niamsak
thukhen pa pen Pasian ahi hi.
8 Bang hang hiam cih leh
Topa’ khut sungah
leenggahzu a phuan,
a kihelkim ngingei hai khat om a,
amah in tua sung panin
hong bung khia dinga,
leitung migilo khempeuh in
a tawdat dong takin
9 Ahih hangin kei ka hihleh
ka lungdam ngitnget dinga,
Jakob Pasian’ tungah
phatna late ka sa ding hi.
10 Migilote’ vangliatna khempeuh
amah in susia dinga,
ahih hangin
thuman mite’ vangliatna
khang semsem ding hi.