LATE 74
Galte in Gam sung Siasak: Hotkhiat ding Ngetna
1 Pasian aw, bang hangin
kote hong paai khia
paisuak na hi hiam?
Bang hangin na gam sunga om
nangma tuute tungah
heh na hi hiam?
2 Tanglai-in na ngahsa na mihonte,
nangma luah minam dingin
na tat khiatsate phawk in!
Na tennasa
Zion Mual hong phawk in.
3 A sia densa munah hong pai in.
Na biakinn sunga om khempeuh
galte in susia khinta hi.
4 Nangma galte
mun siangtho laizangah
awng uh a, amau’ dialte
gualzawhna lim dingin
a khai uh hi.
5 Amaute pen
tulak sing phatna-ah pai-in
heipi tawh sing a phuk bang uh hi.
6 Tua ciangin
biakinn na a kizemte khempeuh
sek-hei le sekpi tawh
a satkham uh hi.
7 Amaute in mei tawh
na biakinn hal uh a,
nangmah hong kibiakna mun
a susia uh hi.
8 Amaute in, “A vekpi-in
zo mang khin ni,” kici uh a,
gam sungteng a om
Pasian biakna inn khempeuh
9 Kote in ka mailam thu ding uh
ka thei kei uh hi.
Kamsang khat zong om nawn lo a,
bang tanvei hi ding,
ci-in a thei kuamah
ka om kei uh hi.
10 Pasian aw,
ka galte in bang tanvei
hong thusim loin
om ding ahi hiam?
Langpangte in nangma min
hong simmawh den ding
ahi uh hiam?
11 Bang hangin na khut dokkik a,
na khut taklam na ang-ah
12 Ahi zongin Pasian pen
tanglai pek a kipanin
kumpi hi tawntung a,
hih leitungah a hong hon khia
zelzel ngei ka Kumpi ahi hi.
13 Na vangliatna tawh
tuipi na khenkham a,
tuite tunga gulpite’ lutangte
na sukham hi.Ref 74:13 Pai 14:21.
14 Nangmah in Awle’ lutangte
na sukham a, amah pen,
gamlak ganhingte’ nek dingin
na pia hi.Ref 74:14 Job 41:1; La 104:26; Isa 27:1.
15 Ciktuite le luite na phulsak a,
guntui luangte na kangsak hi.
16 Sun pen nangma a’ hi a,
zan zong nangma a’ mah ahi hi.
Nangmah in ni le kha na bawl hi.
17 Leitung gamgi khempeuhte le
phalbi hun le khuakhal hunte
18 Topa aw, galte in
nang hong thusim lohna le,
dawibia mite in
nangma min a hong simmawhna
hong phawk ta in.
19 A cimawh mite
a gal gilote uh khut sungah
nusia kei inla,
bawlsiatna a thuak mite
mangngilh kei in.
20 Nangma thuciamna
hong pi ngaihsut in;
bang hang hiam cih leh
leitung mun mialna khempeuh
mi ngongtatte tawh kidim hi.
21 A kisikcip mite
zahhuaisak kei inla,
mizawng le mi cimawhte
22 Pasian aw, tho inla,
nangma thu-ah hong pang in.
Dawibia mite in sun tawntungin
nang a hong thusim lohna
hong phawk ta in!
23 Nangma galte’ kikona aw,
nang a hong langpangte
a gamlum semsemna
mangngilh kei ta in.