LATE 69
Hotkhiat ding le Thukkik ding Ngetna
1 Pasian aw, hong hon in!
Bang hang hiam cih leh
tuikhang in ka ngawng ciang
hong tuum ta hi.
2 Khe tawh dinkipna ding mun
a om lohna buannawng
thuk sungah ka tumsuk a,
tuithuk sung tung khinta-in
ka tungah tuikhang a luang hi.
3 Ka kikokona-in ka gim a,
ka dang keuta hi.
Ka Pasian ka ngakngakna-in
4 Thu om lopi-in
kei a hong mudah mi,
ka lu tunga samzangte sangin
tam zaw uh hi.
Kei a hong susia ding,
zuauthu tawh a hong dote
hat mahmah uh hi.
Kei’ guk lohpi
ke’n loh ding ka hi hiam?Ref 69:4 La 35:19; Joh 15:25.
5 Pasian aw, ka pil lohna na thei a,
ka tatkhialhnate
nangma kiang pan kiliah lo hi.
6 Vanglian Topa Pasian aw,
nangmah a hong muangte
keima hangin zahhuaisak kei in.
Israel Pasian aw, nang a hong zongte
keima hangin mindaisak kei in.
7 Bang hang hiam cih leh
nangma hangin kona ka thuak a,
maizumna in
kei hong pumtuam khinta hi.
8 Ka sanggamte lakah
midangpi ka suak a,
9 Nangma inn ka deihluatna
mei bangin ka sungah sa a,
nangmah hong kote’ konate
keima tung hong tu hi.Ref 69:9 Joh 2:17; Rom 15:3.
10 An ngolhna tawh
ka lungsim ka kiniamkhiat a,
tua pen keimah hong kikona
lehsuak zawsop hi.
11 Ka puan dingin
puanhampi bawl taleng zong
amaute adingin
gentehna ka suak veve hi.
12 Kongzing lakah
mite’ gengen ka hi a,
zukhamte in keima thu
13 Topa aw, ke’n ahihleh
nang tungah thu kong ngen hi.
A kicing na itna kip tawh
a hun hoih ciangin
hong dawng in, ka Pasian aw.
14 Buannawng thuk sungah
tumsukna ding panin
nangma thuman huhna tawh
kei hong hon inla,
tuithukte le ka galte’ kiang panin
kei hong suaktasak in.
15 Keima tungah tuikhang lauhuai
hong luangsak kei inla,
khuamial thukpi
hong nawmvalhsak kei in.
Gum in a kuavang keima tungah
16 Topa aw,
na itna kip hoih ahih manin
kei hong dawng inla,
na hehpihna lian a om tawh kizui-in
kei’ lam hong nga in.
17 Na nasem pa kiang pan
na maitang seel kei inla,
kei cimawh ka hih ciangin
hong dawng meng in.
18 Kei kiangah hong nai inla,
kei hong hon in.
Ka galte’ khut sung pan
19 Keimah hong kisimmawhna,
ka maizumna le ka mindaina
nang na thei a,
ka galte khempeuh zong
nang na thei hi.
20 Simmawhna in
ka lungsim hong zo a,
kei ka cimawh ta hi.
Kei a hong hehpih ding
mi ka zonzon hangin
kuamah om lo a,
hong huh ding ka zon hangin
kuamah ka mu kei hi.
21 Amaute in an dingin
gu hong pia uh a,
ka dangtakna-ah dawn dingin
tuithuk hong pia uh hi.Ref 69:21 Mat 27:48; Mrk 15:36; Luk 23:36; Joh 19:28-29.
22 Amau’ mai-a kilui ante
thangzak suaksak inla,
amau’ biakna pawi ante
tehlop suaksak in.
23 Khua a muh theih loh nadingun
amau’ mit mialsak inla,
a kawngte uh zawcipsak in.Ref 69:22-23 Rom 11:9-10.
24 Amaute tungah
nangma thangpaihna
sungsuk inla,
na sinsona amaute bansak in.
25 Amaute’ phualpi
a kilawi mun suak henla,
amau’ bukah mi khat zong
tengsak kei in.Ref 69:25 Sawl 1:20.
26 Bang hang hiam cih leh
nangmah in na sat gawp mi
amaute in bawlsia uh a,
nangmah in na liamsaksa mi
amaute in
gimsak sawnsawn uh hi.
27 Amau’ gim thuakna banah
thuaksak thuahthuah lai inla,
nangma tung panin
suahtakna ngah kei ta uh hen.
28 A nungtate’ laibu sung panin
amaute kiphiatsak inla,
miphate lakah
a min uh kikhumsak kei in. Ref 69:28 Pai 32:32; Mang 3:5; 13:8; 17:8.
29 Ahih hangin keimah in
gimna thuakin na ka sa hi.
Pasian aw, kei hong kaito-in
30 Lasakna tawh
Pasian’ min ka phat dinga,
lungdamna tawh
amah ka pahtawi ding hi.
31 Hih banga hihna in
bawngtal tawh biakna ahi a,
bawngtalno tawh
biakna sangin zong
Topa lungdamsak zaw ding hi.
32 Netniamna a thuakte in
hih thu mu-in lungdam uh hen.
Pasian a zong note aw,
na lungsim uh nosuaksakkik un.
33 Bang hang hiam cih leh
Topa in a cimawhte’ aw za a,
henna sungah a om
34 Vantung le leitung, tuipi le a sungah
a om khempeuhte in
amah phat ta uh hen.
35 Bang hang hiam cih leh
Pasian in Zion honin
Judah khuapite lamkik dinga,
a nasemte tua lai-ah teengin
tang pah ding uh hi.
36 Ama nasemte’ tate in
tua leitang luah ding uh a,
amah a itte
tua sungah teeng ding uh hi.