LATE 34
Lungkhamna pan Hotkhiat Manin Phatna i1Sam 21:13-15.
1 Topa ka phat tawntung dinga,
amah phatna ka gengen ding hi.
2 Topa ka phat ding hi.
Gimna thuakte zasak unla,
lungdam uh hen.
3 Kei tawh Topa nak phat un,
ama min pahtawi khawm ni!
4 Keimah in Topa ka zong a,
amah in kei hong dawngin,
ka launa khempeuh panin
kei hong hon khia hi.
5 Amah en unla, maitai un;
tua hileh na mai uh
zum ngei lo ding hi.
6 Hih mi hehpihhuai pa kiko-in,
Topa in amah za a,
ama haksatna khempeuh panin
amah a hon khia hi.
7 Amah a zahtakte’ kiimah
Topa’ vantungmi in
giahphual sat a,
8 Topa tawh kikhawl phot unla,
ama hoihna thei un!
Amah a beel mite
mi lungdam ahi uh hi.Ref 34:8 1Pe 2:3.
9 Ama mi siangthote aw,
Topa zahtak un;
bang hang hiam cih leh
amah a zahtak mite in
kitangsapna nei lo hi.
10 Humpinelkai khanglaite in
kisapna le gilkialna thuak a,
ahih hangin Topa a zongte in
na hoih a kisap uh om lo hi.
11 Tate aw,
hong pai unla hong ngai un;
Topa zahtakna thu
kong hilh ding hi.
12 Nopna a neih theih nadingin
nuntakna le khansau
a deih kua ahi hiam?
13 Siatna ding panin na leii kem inla,
zuaugenna panin na muk kem in.
14 Siatna panin kihem khia inla,
a hoih bawl in.
Kilemna ding hanciam inla,
15 Topa’ mit in thuman mite’ lam en a,
amau’ kikona lamah a bil a ngat hi.
16 Siatna a bawl mite hih leitung panin
a kiphawkna a kisuktat nadingin
Topa in amaute a langpang hi. Ref 34:12-16 1Pe 3:10-12.
17 Huhna a ngen dingin
thumante a kiko ciangin
Topa in za a,
a haksatna khempeuh panun
amaute a hon khia hi.
18 Lungsim kitamzante kiangah
Topa hong om a,
lungsim zan gawpte a hon hi.
19 Thuman mi’ thuakna
a tam mahmah hangin
tuate khempeuh panin
Topa in amah a hon hi.
20 Amah in thuman mipa kem a,
a guh khat zong kitan lo hi.Ref 34:20 Joh 19:36.
21 Siatna in migilote that dinga,
thuman a mudah mite
22 Topa in ama nasemte hon khia a,
amah a beel mi khat beek
gim kipia lo ding hi.