LATE 21
Gualzawh Manin Lungdam Kohna
1 Topa aw, na hatna hangin
kumpipa lungdam a,
na huhna hangin
amah nak nuam mahmah hi.
2 Ama lungsim deihna teng
nangmah in na pia khin a,
ama hong ngette
3 Bang hang hiam cih leh
thupha hoihte tawh
amah na dawntuah a,
ama lu tungah kham
siang lukhu na khusak hi.
4 Nangma tung panin
amah in nuntakna hong ngen a,
ama tungah nuntak sau na pia hi.
5 Nangma huhna hangin
ama minthanna lian a,
hoihna le minliatna
ama tungah na pia hi.
6 Nangmah in a tawntungin
thupha ngah pen dingin
amah na bawl a,
nangma ompihna hangin
lungdamna tawh
7 Bang hang hiam cih leh
kumpipa in Topa muang a,
Sangpenpa’ itna kip hangin
amah a kiliing kei ding hi.
8 Na khut in na galte khempeuh
su gawp dinga,
na khut taklam in nang hong
mudahte su gawp ding hi.
9 Na kilat ciangin
meiphual kuang bangin
Topa in hehna tawh
amaute nawmvalh dinga,
meikuang in amaute
kaangtum ding hi.
10 Leitung panin a suan a khakte,
mi’ tate’ lak panin
amau’ tate na susia ding hi.
11 Nangma langah
siatna ding vaihawmin,
gitlohna a bawl uh hangin
tangtung lo ding uh hi.
12 Bang hang hiam cih leh
amaute na taisak dinga,
na thal tawh a maitang uh
13 Topa aw, na hatna hangin
nang hong kipahtawi tahen!
Nangma vangliatna la sa-in
kong phat ding uh hi.