LATE 20
Gualzawh nading Thungetna
1 Gimna na thuak ciangin
Topa in nang hong en henla,
Jakob’ Pasian in
nangmah hong dal tahen!
2 Siangtho mun panin
huhna nang hong puak henla,
Zion panin nang hong panpih tahen!
3 Na biakpiaknate khempeuh
amah in hong phawk henla,
na meihal biakpiakna
hong sang tahen!
4 Na lungsim’ deihna
amah in hong pia henla,
na geelna khempeuh
hong tangtungsak tahen!
5 Na gualzawhna-ah eite lungdamin
awngin, i Pasian’ min tawh
6 Topa in a sathau nilh pa
a huh ding tu-in ka thei ta a,
ama vantung siangtho panin
amah dawng dinga,
a vangliatna tawh
amah gualzosak ding hi.
7 Mi pawlkhat in leengte kisaktheihpih a,
mi pawlkhat in sakolte kisaktheihpih hi.
Ahih hangin eite in Topa
i Pasian’ min bek i kisaktheihpih hi.
8 Amaute kinawmsawmin
puk gawp ding uh a,
ahih hangin eite tho-in
9 Topa aw, kumpipa tungah
gualzawhna pia inla,
kong sap ciangun hong dawng in.