LATE 2
Topa’ Sathau Nilh pa’ Ukna
1 Bang thu hangin minam dangte
siatna dingah
kithukhat sim uh a,
mite in a mawkna dingpi-in
sawmsim uh ahi hiam?
2 Leitung kumpite le gam ukte in
Topa le ama sathau nilh pa
langpangin vaihawm uh a,Ref 2:1-2 Sawl 4:25-26.
3 “Amau’ hong henna khaute
sutat khia-in,
amau’ khaute ei kiang panin
4 Vantunga a tupa in
amaute na nuihsan a,
tua Topa in amaute a zahko hi.
5 Tua ciangin hehna tawh
amau kiangah thu gen dinga,
hehluat mahmahna tawh
amaute liing lawng sakin,
6 “Ka mual siangtho Zion tungah
ka kumpi ka tusak khin hi,” ci hi.
7 Topa’ thukhenna
tu-in kong gen ding hi:
Amah in keima tungah,
“Nang pen ka tapa na hi a,
tuni-in na Pa ka suak hi. Ref 2:7 Sawl 13:33; Heb 1:5; 5:5.
8 Keima tungah hong ngen in;
nangma luah dingin
minamte ka bawl dinga,
leimong dongin
na neihsa ka hisak ding hi.
9 Sik tawn khat tawh
amaute na satkham dinga,
beelseek pa in beel a denkhap
bangin leilakah amaute
na dengzan ding hi,”
hong ci hi.Ref 2:9 Mang 2:26-27; 12:5; 19:15.
10 Tua ahih ciangin kumpite aw,
tu-in pil ta un;
leitung gam a ukte aw,
tu-in thu phawk ta un.
11-12 Launa tawh Topa’ na sem unla,
linna tawh a khe nam un;
tua hikeileh amah sinso-in
lamkalah na sia mang ding uh hi;
bang hang hiam cih leh
amah heh pakpak hi.
Amah a beel khempeuh
mi nuamsate ahi hi.