LATE 16
Pasian, Nuntakna-ah a hoih Bulpi
Pasian aw, nang hong bel
ka hih manin keimah hong kem in.
Topa tungah,
“Nang, ka Topa na hi hi;
nang tawh loin hoihna
ka nei kei hi,” ka ci hi.
 
Leitungah a om mi siangthote
ahih le, amaute nampi hi a,
amaute sungah
ka lungkimna teng om hi.
 
Pasian dang a teelte in
amau’ dahna khangsak hi.
Amau’ si theh biaknate
ke’n bawlpih loin,
amau’ pasian-te
ka biakpih kei ding hi.
 
Topa pen keima luah dinga
ka teelsa, keima muanpi na hi a,
keima ngah ding khempeuh
na khut sungah om hi.
Kei-a’ pen mun nuam mahmah
sung hong tu ahih manin
gamhluah hoih nei ka hi hi.
 
Ngaihsutna a hong lak Topa
ka phat a,
zanin zong ka lungsimah
hong suak hi.
Topa ka maingat tawntung a,
ka taklamah amah om ahih manin
ka kiliing kei ding hi.
 
Tua ahih ciangin lungdamin
ka kipak a,
lungmuangin ka om hi.
10 Bang hang hiam cih leh
Leinuai nong zuansak kei a,
na mihoih pa
Leihawmpi na musak kei hi.Ref 16:10 Sawl 13:35.
 
11 Nangmah in nuntakna lampi
keimah nong lak hi.
Nangma omna munah
lungdamna lianpi om a,
nangma taklamah
nop tawntungnate a om hi.Ref 16:8-11 Sawl 2:25-28.