LATE 142
Bawlsiatna pan Hot ding Ngetna a142 Thulu 1Sam 22:1; 24:3.
1 1
ka kiko a,
2 Ama mai-ah ka lungkim lohna ka sung a,
ama mai-ah ka haksatna teng ka gen hi.
3 Ka cih nading ka theih nawn loh ciangin,
amah in ka mailam ding
hong theihsak hi.
Ka paina lampi-ah ka galte in
tehlop khat tawh kei hong siah uh hi.
4 Ka kiim ka pam khuadakin
ka en kawikawi a,
ahih hangin kei hong huh ding
kuamah om lo hi.
Ka belh ding kuamah om lo a,
kuamah in kei hong don lo hi.
5 5
Nang pen keima belh na hi a,
a hingte’ leitangah keima tanh na hi hi,
ka hong ci hi.
6 Ka kikona hong ngai in.
Bang hang hiam cih leh nakpitakin
kei hong kiniamkoih suk hi.
Kei hong bawlsiate’ kiang pan
hong hon khia in.
Bang hang hiam cih leh kei adingin
amaute hatlua uh hi.
7 Thong sung panin kei hong la khia in.
Tua ciangin nangma mite tawh
kong phatkhawm ding uh hi.
Bang hang hiam cih leh
itna lianpi tawh kei tungah nong gamta hi.