18
A Hoih lo Gamtatna Kikham
1 “Israel mite tungah hih bangin gen in: Kei pen Note na tenna uh Egypt gamah amaute a gamtat bangin note na gamta kei ding uh a, note kong paipihna Kanaan gamah zong amaute a gamtat bangin note na gamta kei ding uh hi. Note in amau’ gamtatnate na zui kei ding uh hi. Note in keima biakna ngeina kipte semin ka thukhamte lenin tuate na zui ding uh hi. Kei pen Tua ahih ciangin note in ka thukhamte le ka biakna ngeina kipte na zui ding uh hi. Tuate a zui mi peuhpeuh nungta ding hi. Kei pen
“Note kuamah in na kinaipih na behte uh mawhpih dingin na naih kei ding uh hi. Kei pen Na nu mawhpihna tawh na pa’ tungah maizumna na tun kei ding hi. Amah pen na nu ahih manin na mawhpih kei ding hi. Nangmah in na pa’ zi dangte zong na mawhpih kei ding hi. Tua pen na pa’ mindai nading ahi hi.Ref 18:8 Siam 20:11; Thkna 22:30; 27:20. Nangmah in na sanggamnu, na pa’ tanu, ahih kei leh na nu’ tanu, inn-a suak hitaleh gam a suak hitaleh na mawhpih kei ding hi.Ref 18:9 Siam 20:17; Thkna 27:22. 10 Nangmah in na tapa’ tanu ahih kei leh na tanu’ tanu na mawhpih kei ding hi; bang hang hiam cih leh amau’ mindaina pen nangma mindaina mah ahi hi. 11 Na pa’ zi’ tanu, na pa’ tanu pen na sanggamnu ahih manin na mawhpih kei ding hi. 12 Na ni na mawhpih kei ding hi; tua nu pen na pa’ sanggam numei ahi hi. 13 Na nu’ sanggamnu na mawhpih kei ding hi; bang hang hiam cih leh amah pen na nu tawh a kinai beh numei ahi hi. 14 Na pa’ sanggampa’ tungah mindaina na tun kei ding hi; tua pen ama zi na naih kei ding hi, cihnopna ahi hi; tua nu pen nangma innlak nu ahi hi.Ref 18:12-14 Siam 20:19-20. 15 Na monu na mawhpih kei ding hi; tua nu pen na tapa’ zi ahi hi; amah na mawhpih kei ding hi.Ref 18:15 Siam 20:12. 16 Na sanggampa’ zi na mawhpih kei ding hi; tua pen na sanggampa’ mindai nading ahi hi.Ref 18:16 Siam 20:21. 17 Na luppih numei khat’ tanu na mawhpih kei dinga, tua numei’ tapa’ tanu hitaleh tua numei’ tanu’ tanu hitaleh, luppih dingin na la kei ding hi. Amaute pen nangmah tawh a kinai beh numeite ahi uh hi. Tua bang gamtatna pen a siahuai ahi hi.Ref 18:17 Siam 20:14; Thkna 27:23. 18 Nangmah in a sanggamnu a hingsuan dingin numei khat zi-in na la kei dinga, a sanggamnu a hing laipi-in amah na luppih kei ding hi.
19 “Nangmah in numei khat nin a neih laitak, a nit hun sungin luppih dingin na naih kei ding hi.Ref 18:19 Siam 20:18. 20 Na veengpa’ zi tawh na lumkhawm kei dinga, tua nu tawh na kininsak kei ding hi.Ref 18:20 Siam 20:10. 21 Nangmah in Molek tungah meihal biakna-a piak dingin na tate khat peuhpeuh na pia kei dinga, tua bangin na Pasian’ min na daisak kei ding hi; keimah pen 22 Numei khat tawh lupkhop bangin pasal khat tawh na lumkhawm kei ding hi; tua pen a kihhuai ahi hi.Ref 18:22 Siam 20:13. 23 Ganhing khatpeuh tawh mawhin tua tawh na kininsak kei dinga, numei khatpeuh in zong ganhing khatpeuh tawh a mawh dingin kipia lo ding hi; tua pen ngeina hi lo hi.Ref 18:23 Pai 22:19; Siam 20:15-16; Thkna 27:21.
24 “Hih nate khatpeuh tawh note kininsak kei un; bang hang hiam cih leh note’ mai-a ka paihkhiat minamte in hihte khempeuh tawh amaute kininsak uh hi. 25 Leitung a nin suak ahih manin keimah in a leitang gimna pia-in, leitang in ama tunga a teeng mite a lua khia hi. 26 Ahih hangin, tualsung mi hitaleh note lakah hong peem khualmi hitaleh, note in keima thukhamte le keima biakna ngeina kipte na zui ding uh a, hih a kihhuai nate khat beek na hih kei ding uh hi; 27 (bang hang hiam cih leh note’ ma-a a om gam mite in hih a kihhuaite khempeuh gamta uh ahih manin leitang a nin a suak hi;) 28 tua bang hikeileh leitang in note’ ma-a a om minamte a luakkhiat bangin note in amah na nitsak uh ciangin amah in note hong lua khia ding hi. 29 Bang hang hiam cih leh hih a kihhuaite khatpeuh a hihte peuhmah, amau’ mite lak panin kihawl khia ding hi.
30 “Tua ahih ciangin note’ ma-a a kizang hih a kihhuai ngeinate khat peuhpeuh na gamtat ngei loh nading uh le tuate tawh nomau na kinitsak loh nadingun kong thuhilhte zui un; kei pen