4
Jerusalem’ Gimthuakna Beita
1 Biakinnpi kisia ta a,
suang kiciangte kongzing lakah
a kithehthang hi.
Khamtui tawh a kizut
a tee daldalte
2 Kham bangin a manpha
Jerusalem tangvalnote,
leibeel bang lelin kibawl khinta hi.
3 Keivom nangawn in zong
a note itin a nawi pia thei buang napi,
ka mite in vasa-kalaoh bangin
4 Amaute in a ta ngeekte uh
gilkial dangtakin sisak uh a,
naupangnote an ngen dingin vaksak uh a,
kuamah in an a pia kei hi.
5 An lim pen a ne ngeite
kongzing lakah puksi uh a,
nuamsa-in a khang khia mite in
ninbuakna lak thai-in an a zong uh hi.
6 Jerusalem’ mawhna
Sodom khuapi’ mawhna sangin
lian zaw ahih manin,
thakhatin Pasian’ khut sung pan
kisiatna a ngah uh hi.Ref 4:6 Pian 19:24.
7 Pasian’ mi dingin a kipia Nazir-te pen
amau’ pumpi uh a siasak lo,
vuk bangin a ngo, a cidam,
8 Tu-in amaute kuama theih lohin
kongzing lakah tuk pekpak uh a,
a si dingin a mai uh dup khin a,
a vun uh sing bangin keugaw-in,
9 Nek ding nei loin puksih sangin
gal sungah a site hampha zaw lai hi.
Annek ding nei loin a site
10 Ka mite a cihmawh laitakun,
itna a nei nupite nangawn in,
a tanote uh go-in
beel sungah a huan uh hi.Ref 4:10 Thkna 28:57; Ezk 5:10.
11 Topa in a hehna khempeuh
siit nawn loin hong bua khia a,
meikuang tawh
Jerusalem hong hal ahih manin
12 Namdangte’ gam ukte le mi khempeuh
Jerusalem a sim zo ding
kuamah om lo ding hi, ci-in a up laitakun
13 Kamsangte le siampite in
mawhna a bawl manun
mi siangtho midikte’ sihna
14 Amaute mittaw bangin
kongzing lakah vak uh a,
kuama lawn ngam loh dingin
silenai tawh a dim uh hi.
15 Mite in, “Paikhia un, mi ninte aw,
hong lawngkha kei un,”
ci-in a kiko uh hi.
Tua bangin minam khat khit
nam khat kiangah pai kawikawi uh a,
ahih hangin kuamah in
16 Topa in amaute a zat nopna
om nawn lo ahih manin
amaute a thehthang hi.
Amah in i makaite le i siampite
17 Huhna a ngenin ka khuadakdak uh a,
khuadak zo nawn lo zah dongin
ka om uh hangin
bangmah ka ngah kei uh hi.
A hong pia zo lo ding minamte tungah
huhna ka ngenngenkha uh hi.
18 Galte in hong vilsim uh ahih manin
ka vak khia ngam kei uh hi.
Ka hun uh a beita hi a,
a beina hun a tung zo ahi hi.
19 Mu ak bawh sangin a manlang zaw-in
amaute in a hong delh uh hi.
Amaute in mual tung panin
hong delhsuk uh a,
theih kholh lohin
20 Amaute in galte’ khut sung panin
a hong huhzo dingin ka up uh,
Pasian’ teel a muanhuai kumpi
21 Edom le Uz mite aw,
tu-in nuinui mai unla,
ahih theih laiteng kipak un.
Bang hang hiam cih leh
siatna hun hong tung dinga,
a hong tun ciangin na guaktangun omin,
maizumin na om ding uh hi.
22 Jerusalem in a mawhna thaman
a sang khinzo ta ahi hi.
Ka thuak ding uh a nasia penpen teng
ka thuak khinzo ta uh hi.
Ahi zongin Edom aw,
Topa in nang gim hong pia dinga,
na mawhna khempeuh
a hong pholak ding hi.