3
1 ဝ့ၢ်လၢအပူထီၣ်, ဒီးဘၣ်အၢ, ဒီးမၤအၢမၤသီတၢ်န့ၣ် ဘၣ်အဖှီၣ်လီၤ.
2 တဒိကနၣ်ဘၣ်တၢ်အကလုၢ်ဘၣ်. တဒိးဘၣ်တၢ်သိၣ် လိဘၣ်. တသန့ၤဘၣ်အသးလၢယွၤဘၣ်, တသုးဘူး အသးဆူအကစၢ်အအိၣ်ဘၣ်.
3 အပဒိၣ်ဖးဒိၣ်လၢအပူၤန့ၣ် မ့ၢ်ခ့ယုၢ်လၢအကိးပသူ တၢ်, အပှၤစံၣ်ညီၣ်ကွီၢ်န့ၣ်, မ့ၢ်ထွံၣ်မံၤလီၤ. လၢမုၢ်ဟါ, တပာ်လီၤတဲာ်ဘၣ်တၢ်လၢမုၢ်ဂီၤအဂီၢ်နီတမံၤဘၣ်.
4 အဝံတဖၣ်မ့ၢ် ပှၤပာ်ကဖိအသး, ပှၤလီန့ၢ်တၢ်လီၤ. အပှၤလုၢ်တၢ်အဒိၣ် မၤဘၣ်အၢတၢ်စီဆှံတဖၣ်, လုၣ် သ့ၣ်ခါပတာ်တၢ်သိၣ်တၢ်သီလီၤ.
5 ယွၤ, တၢ်တီတၢ်လိၤတဂၤအိၣ်ဝဲလၢအသးကံၢ်ပူၤတ မၤဘၣ်တၢ်အၢဘၣ်. လီၣ်ဖျါထီၣ်တၢ်စံၣ်ညီၣ်လၢတၢ်က ပီၤအကျါကိးဂီၤဒဲး, ဒီးကဲထီၣ်သပှၢ်တၢၢ်လီၤ. ဘၣ်ဆၣ် ဒီးပှၤအၢတသ့ၣ်ညါဘၣ်တၢ်မဲာ်ဆှးဘၣ်.
6 ယဒီၣ်တဲာ်ကွံာ်လံပှၤကလုာ်တဖၣ်လံ. အသနၢၣ်တ ဖၣ်အိၣ်သယုၢ်လံ. ယမၤသယုၢ်လံအကျဲဧိၤကပူၤဧိၤလံ. ပှၤတလဲၤဘၣ်ဝဲဘၣ်. အဝ့ၢ်တဖၣ်တုၤလံလၢတၢ်ဟးဂီၤ လံ. ပှၤကညီတအိၣ်ဘၣ်လၢအပူၤဘၣ်. ပှၤတအိၣ်တ ဆိးဘၣ်လၢအပူၤနီတဂၤဘၣ်.
7 ယစံး, နကပျံၤယၤသပှၢ်တၢၢ်, နကဒိးန့ၢ်ဘၣ်တၢ် သိၣ်လိနၤလီၤ. ဒ်န့ၣ်သိးအအိၣ်အဆိးအလီၢ်တဟးဂီၤ ဘၣ်, ဒ်ကယဲၢ်တၢ်ခဲလၢာ်လၢယပာ်လီၤလၢအဂီၢ်အသိး န့ၣ်လီၤ. ဘၣ်ဆၣ်ဒီးအဝဲသ့ၣ်ဂဲၤဆၢထၢၣ်လၢဂီၤဂီၤ, ဒီး မၤဘၣ်အၢအမၤတၢ်ခဲလၢာ်လီၤ.
8 မၤသးဒ်န့ၣ်ဒီးကွၢ်လၢ်ယကျဲ, ယွၤစံးဝဲဒၣ်, တုၤမုၢ် တနံၤဘၣ်လၢယကဂဲၤဆၢထၢၣ်လၢ တၢ်ဂုာ်န့ၢ်အဂီၢ်န့ၣ် တက့ၢ်. အဂ့ၢ်ဒ်အံၤ, ယတၢ်တိာ်လၢယကဒုးအိၣ်ဖှိၣ် ပှၤကလုာ်တဖၣ်ဒီးထၢဖှိၣ်ဘီမုၢ်တဖၣ်ဒ်သိး ယကလူ လီၤယသးထီၣ်လၢအလိၤ, ယသးကဲၤထီၣ်ခဲလၢာ်လီၤ. အဂ့ၢ်ဒ်အံၤ, ယသးက့ၣ်အမ့ၣ်အူကအီၣ်ကွံာ်ဟီၣ်ခိၣ်ဒီ ဘ့ၣ်ညါလီၤ.
9 တုၤနုၤတဘျီ ယကဟ့ၣ်ပှၤကလုာ်တဖၣ် လၢအက တိၤတၢ်အကျိာ်စီဒ်သိးအကကိးထီၣ်ယွၤအမံၤ, ဒီးဒ်သိး အကမၤအတၢ်လၢအသးတဖျၢၣ်ဃီလီၤ.
10 လၢကူၤၡးအထံမိၢ်ပှၢ်ဝၢ်ဘးခီန့ၣ် ပှၤဃ့ကညးယၤ တဖၣ်, ယတၢ်လီၤပြံလီၤပြါအဖိမုၣ်, ကဟဲစိာ်ယတၢ် မၤဘူၣ်လီၤ.
11 တၢ်လၢမုၢ်တနံၤန့ၣ် နမဲာ်တဆှးဘၣ်လၢနမၤတၢ်ခဲ လၢာ်လၢနမၤကမၣ်ဘၣ်ယၤအဃိဘၣ်. အဂ့ၢ်ဒ်အံၤ,တုၤ နုၤတဘျီယကစိာ်ကွံာ်လၢနသးကံၢ်ပူၤ နပှၤလၢအပာ် အသးထီၣ်ထီ,လၢအသူၣ်ပိၢ်အသးဝးတဖၣ်လီၤ.ဒီးနတ ပာ်ကဖိလၢၤဘၣ်နသးလၢ ယကစၢၢ်စီဆှံအလိၤဘၣ်.
12 ဒီးလၢနသးကံၢ်ပူၤန့ၣ် ယကပာ်လီၤတဲာ်ပှၤဂီၢ်မုၢ်လၢ အသူၣ်စူၤအသးစူၤ, ဒီးပှၤဘၣ်ဖှီၣ်ဘၣ်ယာ်, ဒီးအဝဲ သ့ၣ်ကသန့ၤအသးလၢယွၤအမံၤလီၤ.
13 အံၣ်စရ့လးလၢအအိၣ်လီၤတဲာ်န့ၣ် တမၤအၢဘၣ်တၢ် ဘၣ်, တကတိၤဘၣ်တၢ်ကဘျံးကဘျၣ်, ဒီးပျ့ၤလၢအလီ တၢ်န့ၣ်တအိၣ်ဘၣ်လၢအကိာ်ပူၤဘၣ်. အဂ့ၢ်ဒ်အံၤ, က အီၣ်တၢ်ဒီးမံလီၤ, ဒီးတၢ်တမၤပျံၤဘၣ်အီၤနီတမံၤဘၣ်.
14 စံယိၣ်အဖိမုၣ်ဧၢ, အုၣ်တၢ်တက့ၢ်. အံၣ်စရ့လးဧၢ, ကိးပသူထီၣ်တက့ၢ်. သူၣ်ခုသးခု, ဒီးသူၣ်ဖှံသးညီလၢန သးဒီဖျၢၣ်ညါတက့ၢ်, ယရူၤၡလ့ၣ်အဖိမုၣ်ဧၢ.
15 ယွၤပာ်ကွံာ်နတၢ်စံၣ်ညီၣ်လံ, ဟီထီၣ်ကွံာ်နဒုၣ်နဒါ လံ, အံၣ်စရ့လးအစီၤပၤ, ယွၤအိၣ်ဝဲလၢနသးကံၢ်ပူၤ, နတထံၣ်လၢၤဘၣ်တၢ်အၢဘၣ်.
16 တၢ်လၢမုၢ်တနံၤန့ၣ်တၢ်ကစံးလၢယရူၤၡလ့ၣ်, ပျံၤတၢ် တဂ့ၤ, ဒီးကစံးလၢစံယိၣ်, မ်နစုအဂံၢ်အဘါန့ၣ်သုတ စၢ်လီၤတဂ့ၤ.
17 ယွၤနကစၢ်အိၣ်လၢနသးကံၢ်ပူၤန့ၣ်, တၢ် အဆူၣ်လၢအကအုၣ်က့ၤခီၣ်က့ၤတၢ်လီၤ. ကသူၣ်ဖှံသး ညီလၢနဖီခိၣ်အိၣ်ဒီးအသူၣ်ခုသးခုလီၤ. ကအိၣ်ဘှံးလၢ အတၢ်အဲၣ်အပူၤ, ဒီးကသူၣ်ပိၢ်သးပိၢ်လၢနဖီခိၣ်အိၣ်ဒီး တၢ်သးခုအသီၣ်လီၤ.
18 ယကထၢဖှိၣ် ပှၤလၢအသူၣ်အုးသးအုးလၢ တၢ်မၤ ဘူၣ်နံၤတဖၣ်အဃိလၢအမ့ၢ်လၢနၤလီၤ. ပှၤလၢအဘၣ် တၢ်ဒုၣ်ဒွဲၣ်လီၤ.
19 ကွၢ်ကွၢ်, အကတီၢ်ဖဲန့ၣ်ယကမၤကယဲၢ်ပှၤလၢအမၤ နးမၤဖှီၣ်နၤလီၤ. ဒီးယကအုၣ်က့ၤခီၣ်က့ၤပှၤလၢအလဲၤ တကျဲၢ်တကျဲၢ်, ဒီးဒုးအိၣ်ဖှိၣ်ပှၤလၢအဘၣ်တၢ်ဟီထီၣ် ကွံာ်အီၤ, ဒီးယကပာ်အီၤလၢတၢ်စံးထီၣ်ပတြၢၤအလီၢ်, ဒီးဒုးဟူထီၣ်သါလီၤအမံၤလၢ ကယဲၢ်ကီၢ်ပူၤ ဖဲအဘၣ် တၢ်မဲာ်ဆှးကိးဘ့ၣ်ဒဲးလီၤ.
20 အကတီၢ်ဖဲန့ၣ်ယကဒုးဟဲနုာ်သု, အကတီၢ်ဖဲန့ၣ်ယ ကဒုးအိၣ်ဖှိၣ်သုလီၤ. အဂ့ၢ်ဒ်အံၤ, ယကမၤအိၣ်ထီၣ်သု မံၤ, ဒီးပာ်အီၤလၢတၢ်စံးထီၣ်ပတြၢၤအလီၢ်လၢပှၤဂီၢ်မုၢ် ခဲလၢာ်အကျါလၢဟီၣ်ခိၣ်ချၢ, ဖဲအကတီၢ်လၢယဒုးဟဲ က့ၤသုလၢတၢ်မၢကဲကုၢ်လၢအမဲာ်ညါလီၤ, ယွၤစံးဝဲဒၣ်.