လံာ်စီၤပီလူးကွဲးန့ၢ်စီၤတံတူး
1
1 ယွၤအခ့အပှၤ, ဒီးယ့ၣ်ရှူးခရံာ်အပှၤတၢ်မၢဖိ, ဒ်ယွၤ အပှၤဃုထၢဖိတဖၣ်အတၢ်နာ်, ဒီးတၢ်သ့ၣ်ညါတၢ်မ့ၢ် တၢ်တီလၢအဘၣ်ဃးဒီးတၢ်ယူးယီၣ်ယွၤအသိး,
2 လၢ တၢ်မုၢ်လၢ်တၢ်မူအထူအယိာ်လၢယွၤလၢအကတိၤတၢ် ကဘျံးကဘျၣ်တသ့ဘၣ်တဂၤ စံးပာ်ဝဲလၢဟီၣ်ခိၣ်တ ချုးကဲထီၣ်ဒံးဘၣ်,
3 ဘၣ်ဆၣ်ဒီး,လၢအမုၢ်အလါဒၣ်ဝဲ တဖၣ်န့ၣ်, လီၣ်ဖျါအကလုၢ်အကထါလၢတၢ်စံၣ်တဲၤ တဲလီၤ, လၢတၢ်ဟ့ၣ်လီၤယၤ,ဒ်ယွၤ,ပှၤအုၣ်က့ၤခီၣ်က့ၤ ပှၤ,အတၢ်မၤလိာ်အသိးန့ၣ်,ယၤစီၤပီလူး,
4 စံးဘၣ်စီၤတံ တူး, ယဖိနီၢ်နီၢ်ဒ်တၢ်နာ်တမံၤဃီအသိးန့ၣ်, တၢ်ဘျုး တၢ်ဖှိၣ်, ဒီးတၢ်သူၣ်ကညီၤသးကညီၤ,ဒီးတၢ်ဃူတၢ်ဖိး လၢပၢ်ယွၤ, ဒီးလၢတၢ်အုၣ်က့ၤခီၣ်က့ၤပှၤ,ကစၢ်ယ့ၣ်ရှူး ခရံာ်အအိၣ်န့ၣ်,မ်အဘၣ်နၤတက့ၢ်.
5 ယပာ်လီၤတဲာ်နၤလၢကြ့တ့ၤန့ၣ်အဂ့ၢ်ဒ်အံၤ, ဒ်သိးန ကကတဲာ်ကတီၤတၢ်လၢအတလၢတပှဲၤဘၣ်တဖၣ်,ဒီး ဒ်သိးနကပာ်ထီၣ်ပှၤသူၣ်က့သးပှၢ်လၢဝ့ၢ်ကိးဖျၢၣ်ဒဲးအ ပူၤ, ဒ်ယမၤလိာ်တ့ၢ်နၤအသိး,
6 ပှၤလၢတၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်, ဒီးအိၣ်ဒီးအမါတဂၤဧိၤ, ဒီးအိၣ်ဒီးအဖိအလံၤလၢအကလုၢ်တီ, လၢတၢ်ပာ်တၢ် ကမၣ်လၢအလိၤလၢတၢ်ကလုာ်ကလိၤအဃိ အလီၢ်တ အိၣ်ဘၣ်,, ဒီးတမ့ၢ်ဘၣ်အနၢ်က့ၣ်ဘၣ်န့ၣ်လီၤ.
7 အဂ့ၢ်ဒ် အံၤ, ဒ်ပှၤကွၢ်ယွၤအတၢ်အသိးန့ၣ်, ပှၤကွၢ်တၢ်အိၣ်ဖှိၣ် ဘၣ်အိၣ်ထူၣ်ဖျဲးဒီး တၢ်ပာ်တၢ်ကမၣ်လၢ အလိၤလီၤ. တမ့ၢ်ဘၣ်ပှၤလၢအမၤဖဲဒၣ်အသး, ပှၤလၢအသးဒိၣ်ထီၣ်ချ့,ပှၤလၢအအိၣ်လၢစပံးထံအဃၢၤ,ပှၤတီၢ်တၢ်,ပှၤ သးကွံစ့လၢအလၤကပီၤတအိၣ်ဘၣ်.
8 မ့ၢ်ပှၤလၢအ အဲၣ်ပှၤတမှံၤ, ပှၤလၢအအဲၣ်ပှၤဂ့ၤ,ပှၤလၢအပာ်အသး သပှၢ်သပှၢ်, ပှၤလၢအတီအလိၤ, ပှၤလၢအစီအဆှံ, ပှၤ လၢအကီၤအသး,
9 ပှၤလၢအဟံးဃာ်တၢ်အကလုၢ်အ မ့ၢ်အတီဒ်တၢ်သိၣ်တၢ်သီအသိးန့ၣ်, ဒ်သိးအကသိၣ်က ညးတၢ်လၢတၢ်သိၣ်တၢ်သီအဂ့ၤအဘၣ်, ဒီးတြီဃာ်ပှၤ ဂ့ၢ်လိာ်ဘှီလိာ်တဖၣ်န့ၣ်,သ့လီၤ.
10 အဂ့ၢ်ဒ်အံၤ,ပှၤအနၢ် က့ၣ်,ဒီးပှၤလၢအကတိၤတၢ်ကလီကလီ,ဒီးပှၤလီန့ၢ်ပှၤ အသးအိၣ်ဝဲအါဂၤ, လၢပှၤဒိးတၢ်ကူးတရံးအကျါအါ တက့ၢ်လီၤ.
11 ပှၤတဖၣ်န့ၣ်ပဘၣ်ပအၢဃာ်အထးခိၣ် လီၤ. အဝဲသ့ၣ်,ဒ်သိးအကန့ၢ်ဘၣ်စ့လၢအလၤကပီၤတ အိၣ်ဘၣ်ဒီး, သိၣ်က့ၤတၢ်လၢအတဂ့ၤသိၣ်ဘၣ်, ဒီးမၤ ကဒံကဒါကွံာ်ပှၤဟံၣ်ဒီဟံၣ်ညါတဖၣ်လီၤ.
12 ပှၤလၢအ ကျါဒၣ်ဝဲ, အဝံတဂၤစံးဝဲဒၣ်, ပှၤကြ့တ့ၤဖိမ့ၢ်ပှၤကတိၤ တၢ်ကဘျံးကဘျၣ်ထီဘိ, ဆၣ်ဖိကီၢ်ဖိအအၢ,ပှၤလၢအ ဟၢဖၢကၢၣ်ကျူလီၤ.
13 တၢ်အုၣ်အသးအံၤမ့ၢ်အမ့ၢ်အတီ လီၤ.မၤသးဒ်န့ၣ်ဒီး, ပာ်ဒူနသးဒီးသိၣ်ဃီၣ်အီၤ,ဒ်သိးအ သးကအိၣ်ဆူၣ်လၢတၢ်နာ်အပူၤတက့ၢ်.
14 ဒ်သိးအသုတ စူၢ်ပှၤယူဒၤဖိအပူလၢအတမ့ၢ်တတီဘၣ်တဖၣ်, ဒီးပှၤ ကညီအတၢ်သိၣ်တၢ်သီလၢအမၢပညိကွံာ် တၢ်မ့ၢ်တၢ် တီန့ၣ်,တဂ့ၤလီၤ.
15 ကယဲၢ်တၢ်ခဲလၢာ်မ့ၢ်အကဆှီလၢ ပှၤအကဆှီတဖၣ် အဂီၢ်, မ့မ့ၢ်ပှၤတကဆှီဘၣ်,ဒီးပှၤတစူၢ်တနာ်ဘၣ်တ ဖၣ်န့ၣ်တၢ်ကဆှီလၢအဂီၢ်တအိၣ်ဘၣ်နီတမံၤဘၣ်. မ့ၢ် အသူၣ်အသးဒီး အသးလၢအသ့ၣ်ညါဒၣ်တၢ်ဒၣ်လဲာ် န့ၣ်,တကဆှီဘၣ်လီၤ.
16 ပှၤတဖၣ်န့ၣ်စံးလီၤအသးလၢ သါသ့ၣ်ညါယွၤလီၤ.ဘၣ်ဆၣ်ဒီးသမၢအီၤလၢအတၢ်ဖံး တၢ်မၤန့ၣ်လီၤ. မ့ၢ်ပှၤလၢပသးဘၣ်အၢအီၤ,ဒီးပှၤတစူၢ် ဘၣ်တၢ်ဘၣ်, ဒီးလၢကယဲၢ်တၢ်မၤတၢ်ဂ့ၤအဂီၢ်န့ၣ်တ ဂိာ်တသီၣ်ဘၣ်နီတမံၤဘၣ်.